اسلام آباد۔ 04 فروری (اے پی پی) قائد مسلم کانفرنس و مسکوہی وزیراعظم آزاد کشمیر سردار عتیق احمد خان پارینے کہ 5 فروری پاکستانی و کشمیری الس نا یکجہتی نا تجدید نا دے ءِ، 5 فروری مچ آ دنیا نا چکار ءِ پاکستانی تا کشمیر آ جوزہ غاتا کنڈآ متوجہ کننگ ءِ، پاکستانی و کشمیری الس نا یکجہتی لازوال و بے مثال ءِ۔ داخیال آتا درشانی ءِ او یوم یکجہتی کشمیر نا بابت تینا ویڈیو کلہو اٹی کرے۔ سردار عتیق احمد خان پارے کہ اینو 5 فروری پاکستانی و کشمیری الس نا یکجہتی نا تجدید نا دے ءِ، 5 فروری مچ آ دنیا نا چکار ءِ پاکستانی تا کشمیرآ جوزہ غاتا کنڈآمتوجہ کننگ ءِ۔ اوپارے کہ جموں و کشمیر وپاکستان فطری، تاریخی و جغرافیائی رشتہ غاتے ٹی اسہ ایلو تون گنڈوک ءُ، پاکستانی و کشمیری الس نا یکجہتی لازوال و بے مثال ءِ۔ اوپارے کہ حق خودارادیت نا دوئی کننگ آن کم اسہ گڑاس ہم کشمیری تے تحریک آن اسہ کنڈ کننگ کپک۔ سردار عتیق احمد خان پارے کہ کشمیر نا ویل آ برصغیر پاک و ہند نا نامکمل ایجنڈا نا بشخ ءِ، تحریک آجوئی کشمیر درحقیقت تحریک پاکستان نا پوروی ءِ۔ ہرے یا زوت بھارت ءِ کشمیر آن ہنوئی ءِ۔ اوپارے کہ جموں و کشمیر آ آجوئی نا دے دے ٹک ترسا نظر بننگ ءِ۔
