اسلام آباد۔ 04 فروری (اے پی پی) بنجائی وزیر سائنس و ٹیکنالوجی چوہدری فواد حسین پارینے کہ انشاء اللہ دے دے ٹک تننگ والا ءِ، کشمیری تے آجوئی ہر حال اٹ ملک، آسیہ اندرانی کون آ لمہ، ایڑھ و مسنک قوم انا گمر مریرہ، ہراوخت آ کہ کشمیرعالم اسلام و پاکستان نا رکھ انا ہیت بریک مچ آ قوم یکجا مریک۔ سے شنبے نادے آ قومی اسمبلی ٹی کشمیر نا بابت جاری شرہ ٹی بشخ ہلسا چوہدری فواد حسین پارے کہ بھارت نا کنڈآن پاننگانے کہ نن پاکستان ءِ دہ دے اٹ دانگ اینگ کینہ، بھارتی وزیراعظم دُن ءُ ہیت کپ نن بھارتی جارحیت نا دے انا روشنائی ٹی ہندن ءُ ورندی اس تسن کہ ننا چاہ انا باسنی اینو ہم بھارت اٹ محسوس کننگک۔ نن کاٹم آ کفن تفینن، نن مسہ جنگ کرینن، بھارتی وزیراعظم اسہ شدت پسند اسے، اگہ بھارت امن خواپک تو ننے جنگ کننگ ہم بریک، داوار اگہ بھارت غلطی اس کرے تو دا وار چاہ انا جاگہ غا پین گڑاس ملک۔ اوپارے کہ کشمیری تتون اوار اوار بھارت اٹی مسلمان آتون ہرا برتاؤ مننگ ءِ اوڑاہم ننا است ہوغنگ ءِ، قائد اعظم محمد علی جناح نا بیانیہ اینو سچ ثابت مسنے، بھارت اٹ فریزر اٹ سُو تا تخنگ آ مسلمان تے شست کننگک، بھارتی گام گیج آک مذمت نا قابل ءُ، 200 دے آن مقبوضہ کشمیر اٹی انٹرنیٹ بند ءِ، کل کشمیری سرکڑدہ غاک جیل تیٹی بند ءُ۔
