اسلام آباد۔ 3 فروری (اے پی پی)بنجاہی وزیر امور کشمیر ءُُ گلگت بلتستان علی امین گنڈاپور ءَ گوشت کہ زوربرتگیں کشمیر ءِ تہ بھارتی ریاستی ناشرکاری برجاہ انت ءُُ گوستگیں ھپت دھکاں چہ زلم ءُُ زوراکی ءِ رد برجاہ انت، مقبوضہ وادیءِ تہ پیلٹ گن گوں ہزاراں کشمیریانی چم پروشگ بوتگ انت۔ آں دوشمبے ءَ یوم یکجہتی کشمیر ءِ ھوالہ گوں پرائیویٹ سکولز ایسوسی ایشن ءِ چیرد ستی فاطمہ جناح پارک اسلام آباد ءِ تہ برجمیں مراگش ءَ گوں تران کنگ ات۔مراگش ءِ تہ سپیکر قومی اسمبلی اسد قیصر ھم ساڑی ات۔مراگش ءِ تہ یوم یکجہتی کشمیر ءِ ھوالہ چہ روانک،ٹیبلو شو ءُُ پوسٹر پینٹنگ ءِ برجمداری کنگ بوتگ ات۔اے موہ ءِ سرا بنجاہی وزیر کشمیر ءُُ گلگت بلتستان افیئرز علی امین گنڈ اپور ءَ تران کنان ءَ گوشت کہ زوربرتگیں کشمیر ءِ تہ بھارتی ریاستی ناشرکاری برجاہ انت ءُُ گوستگیں ھپت دھکاں چہ زلم ءُُ زوراکی ءِ رد برجاہ انت۔آہاں گوشت کہ زوربرتگیں کشمیر ءِ تہ پیلیٹ گن ءَ چہ ہزاراں کشمیریانی چم پروشگ بوتگ ات۔آہاں گوشت کہ کشمیریانی حق خود ارادیت ءِ جدوجہد ءَ را دارگ ءُُ کشمیرءِ ڈیمو گرافی ءِ تہ بدلی ءِ ھاترا زوربرتگیں وادی ءِ تہ گوستگیں شش ماہ ءَ چہ کرفیو جنئگ بوتگ انت ایشی ءَ چہ کشمیریانی معاشی قتل ھم بوھگ انت۔آہاں گوشت کہ دلیریں کشمیری پاکستان ءَ گوں سیادی ءِ چکاریں درشان کنگ انت ءُُ جدوجہد ءِ تہ شہید بوتگیں کشمیری شہیداں را سبز ءِ بیرک ءِ تہ کل ءُُ کسارت کنگ انت۔آہاں گوشت کہ وزیراعظم عمران خان کشمیریانی گہتریں سر پدر بوتگ ات ءُُ حکومت ءِ کوشستانی آسرءَ دگنیا مودی ءِ بیم کارءُُ فاشسٹ ایجنڈہ ءِ پجار بوتگ ءُُ ایشی ءَ را ہٹلر ءَ گوں پجارگ بوھگ انت۔بنجاہی وزیر ءَ گوشت کہ حکومت ءِ کوشستانی سبب ءَ سرجمیں دگنیا ءِ تہ مروچی کشمیریانی گپ بوھگ انت ءُُ اے جیڈھ چکاریں وڈ ءَ دیما اتگ۔آہاں گوشت کہ انسان ءِ بستار ءَ،مسلمان ءُُ پاکستانی مئے دراھ ءِ فرض انت کہ مہ کشمیریانی چکاریں پلہ مرزی ءَ کن انت،آہاں اے جزم ءِ درشان کتگ کہ کشمیری ءَ را حق خود ارادیت دیگ ءِ تا کشمیریانی سرجمیں پلہ مرزی برجاہ دارگ بیت۔
