کراچی۔ یکم فروری (اے پی پی) صدر مملکت ڈاکٹر عارف علوی ءِ گوما گورنر سندھ عمران اسماعیل ءَ گورنر ہاؤس ءِ تہ گند ءُُ نند کتگ۔گورنرہاؤس چہ جاڑی جارانک ءِ ردا گند ءُُ نند ءِ تہ سندھ ءِ ھاترا بنجاہی حکومت ءِ دیمروئی منصوبگ،معیشت ءِ گہتری ءِ ھاترا کتگیں گامگیج آنی ھوار اُلسی جیڈھ آنی حل ءِ ھاترا ترجیحی گامگیج ءُُ وت مہ وتی دلچسپی ءِ معاملہانی سرا ھیال ریچی کتگ۔ صدر مملکت ءَ ات درگت ءَ گوشت کہ بنجاہی حکومت صوبہ ءِ دراھیں اسٹیک ہولڈرز ءَ پج دیما برگ لوٹگ انت پرچہ کہ مہلوک ءِ جیڈھ آنی حل ءِ ھاترا دراھیں سیاسی نماھندگانی بھرزوری الم انت۔ صدر مملکتءَ گیش گوشت کہ بنجاہی حکومت مہلوک ءِ جیڈھ انی ھلاسی ءِ ھاترا گام گیج ءَ زورگ انت ءُُ اُلسی فلاح ءُُ بہبود ءِ ھاترا بنا کتگیں منصوبگ اے گپءِ ثبوت انت۔آہاں گوشت کہ ملک ءِ دراھیں بھرءَ یک وڈیں دیمروئی حکومت ءِ دلگوشی انت۔اے موہ ءِ سرا گورنر سندھ ءَ گوشت کہ مزن وزیر صوبہ ءِ تعمیر ءُُ دیمروئی ءِ تہ جندی دلچسپی ایر کنگ انت اے ھاترا صوبگ ءِ لہتیں ضلعہانی ھاترا دیمروےء منصوبگانی جار جتگ ات۔آہاں گیش گوشت کہ صوبگ ءِ جیڈھ ءِ حل وت مہ وتی گپ ءُُ تران ءَ گوں کنگ بیت ایشی ءِ ھاترا آں بنجاہ ءِ نماھندگ ءِ بستار ءَ کوشستءَ کن انت۔
