کراچی۔ یکم فروری (اے پی پی)گورنر سندھ عمران اسماعیلءَ گوشت کہ پاکستان باز وش صورت ءُُ دیدہ زیب ٹوارزم پوائنٹ انت۔ اے دمگ ءَ را دگنیا ءِ تہ پج آرگ ءِ ھاتر اھاسیں گام گیج زورگ بوھگ انت۔جاڑی جارانک ءِ ردا اے ھیالانی درشان آہاں اٹلی ءِ سفیر سٹیفنو پونٹیکورو ءِ گوما گورنرہاس ءِ تہ گند ءُُ نند کنان ءَ کتگ ات۔اے موہ ءِ سرا اٹلی ءِ قونصل جنرل Ms. Anna Ruffinoھم ساڑی اتنت۔گند ءُُ نند ءِ تہ دویمی بیئپاری ءُُ سفارتی سیادی،وت مہ وتی بیئپار ءِ تہ گیش ودکی،ٹوارزم ءِ پراھی ءُُ ارزشت ءِ دگہ معاملہانی سرا سرجمیں ھیال ریچی کتگ۔ گورنر سندھ ءَ گیش گوشت کہ کوہ پیمائی ءِ ھوالہ چہ ھم پاکستان ءَ را دگنیا ءِ تہ برزی مقام زوراتگ پرچہ کہ کے ٹو ءِ ھوار لہتیں برزیں کوھ پاکستان ءِ تہ ساڑی انت ہمہ کہ ھاسکر میاں اوستمانی کوھ پیما آنی دلچسپی ءِ سبب انت ءُُ ہمک سال لہتیں کوھ پیما اے کوھاں را سر کنگ ءِ ھاترا پاکستان ءَ آھگ انت۔آہاں گوشت کہ اٹلی ءِ سرمایہ کار پاکستان ءِ معاشی شہ رگ تہ لہتیں تک آنی تہ سرمایہ کاری کت کن انت پرچہ کہ ادا لہتیں تک آنی تہ سرمایہ کاری ءِ سازگار ماحول ساڑی انت۔آہاں گوشت کہ اے ھوالہ چہ حکومت آہاں را ہرممکن کمک ھم پھجارایت۔اٹلی ءِ سفیر سٹیفنو پونٹیکوروءَ گوشت کہ پاک اٹلی دودیمی سیادی وھد گوزگ ءَ گوں گیش مھکم بوھگ انت،ڈلانی مٹ ءُُ سٹ چہ ایشی ءِ تہ گیش ودکی بیت۔آہاں گوشت کہ آں وت مہ وتی سیادی ءِ تہ ودکی ھاترا ہرممکن گامءَ چست کن انت۔(NAJ)
