اسلام آباد۔ یکم فروری (اے پی پی)مزن وزیر ءِ ھاسیں کمکار برائے راجی جان سلامتی ڈاکٹر ظفر مرزا ءَ گوشت کہ چین ءِ تہ کروناوائرسءَ چہ آماچیں چار پاکستانی نودربرانی جان سلامتی گہتر بوھگ انت،تچکءِ منصوبگ بندی جوڈ کتگ ات تنکہ چین ءَ چہ آوکیں مسافر انی شریں سکریننگ ءُُ نگہوانی ءَ را گہتر جوڈ کنگ بیت،یک زمہ وار ملک ءِ بستار ءَ دراھیں میاں اوستمانی ایڈوائزی ءِ چکاریں پاسداری کن انت۔پیسلہ کنگ بوتگ کہ پاکستان آھگ چہ پیسرءَ 14روچ آبزرویشن ءِ ابید کچ پاکستان ءَ مہ بیا ایت۔اے ھیالانی درشان آہاں ھپتگ ءَ پی آئی ڈی ءِ تہ پریس کانفرنس ءِ تہ کتگ ات۔آہاں گوشت کہ کرونا وائرس ءِ ھوالہ چہ باز تکاسری انت ءُُ گوستگیں لہتیں روچءَ چہ چین ءِ شہر ووہان ءِ تہ ترندی ءَ گوں نادراہی تالان بوتگءُُ 200چہ 300کیس ہمک روچ آھگ بنا بوتگ ات۔آہاں گوشت کہ تنیگہ 11ہزار 947مردمانی تہ کرونا وائرس ءِ موجودگی ءِ پجار بوتگ وھدیکہ 249امردم بیران بوتگ ات۔ آہاں گوشت کہ چین ءِ ابید 27ملکانی تہ وائرس تالان بوتگ ءُُ وائرس انسان ءَ چہ انسان ءِ تہ ٹرانسفر بوھگ انت۔آہاں گوشت کہ ھپت ءَ چہ ھشت ملکانی شہریانی انخلا کنگ بوتگ بلے چین ءَ اے کار ءَ را وشی ءَ گوں موکل مہ داتگ۔جان سلامتی ءِ میاں اوستمانی ادارگ ءِ ایڈوائزری ءِ تہ ھم اے تکانسری گیش بوتگ ءُُ گوشگ بوتگ کہ ووہان چہ مردمانی ڈن ءَ دیم مہ دیگ بنت پرچا کہ ایشی ءَ چہ وباء ءِ گیش تالان بوھگ ءِ ھدشہ انت۔ ڈاکٹر ظفر مرزا ءَ گوشت کہ چینی حکومت، پاکستان ءِ تہ چینی سفارت خانہ ءُُ چین ءِ تہ پاکستانی سفارتخانہ ءَ گوں یکشل ءَ رھوت ءَ انت۔
