اسلام آباد۔ یکم فروری (اے پی پی) امریکی ھاسیں نماھندگ برائے اوگانستان مفاہمتی عمل زلمے خلیل ذادءَ اوگان مفاہمتی کار ءِ تہ پاکستان ءِ کوشستانی ھیرمقدم کنان ءَ گوشت کہ ایشی ءَ چہ امریکہ طالبان معاہدہ،انٹر اوگان ڈائیلاگ ءُُ جامع ءُُ دیرپا جنگ بندی ءِ ھاترا راہ ہمواربیت۔ھپتگ ءَ امریکی سفارت جاھ ءِ نیمگا چہ ھاسیں نماھندگ زلمے خلیل زاد ءِ پاکستان ءِ تروتاب ءِ سرجمی ءِ سرا جاڑی بیان ءِ تہ گوشت کہ زلمے خلیل زاد ءَ 31جنوری ءَ پاکستان ءِ تروتاب کتگ۔زلمے خلیل ذاد ءَ دری کارانی وزیر شاہ محمود قریشی،چیف آف آرمی سٹاف جنرل قمر جاوید باجوہءُُ دگہ سرکاری واکداراں گوں جتا جتاھیں گند ءُُ نند کتگ۔گند ءُُ نند ءِ تہ اوگانستان ءِ تہ جنگ ءِ دارگ ءِ ھاترا سیاسی تصفیہ ءِ غرض ءَ چہ جاڑی کوشست ءَ را زیر بحث آرتگ۔زلمی خلیل ذاد ءَ تشدد تہ کمی ءِ ھوالہ چہ جاڑی پاکستان ءِ کوشستانی ھیرمقدم کتگ ءُُ گوشت کہ ایشی ءَ چہ امریکہ طالبان معاہدہ،انٹرا اوگان ڈائیلاگ ءُُ مچ ءُُ دائمی جنگ بندی ءِ ھاترا راہ ہموار بیت۔خلیل ذاد ءَ اے گپ ءِ سرا ھم زور داتگ کہ اوگانستان ءِ تہ سوگو ءِ امن ءَ چہ خطہ ءَ را باز اقتصادی ءُُ سیکیورٹی نپ بنت۔
