لاہور۔یکم فروری(اے پی پی)بنجاہی وزیر ریلوے شیخ رشید احمد ءَ گوشت کہ چوہدری برات ءُُ ایم کیو ایم کجام نہ رواں۔آں مئے اتحادی انت‘ پاکستان مسلم لیگ (ن) ءُُ پاکستان پیپلز پارٹی ھلاس بوتگ ات،مئے اپوزیشن ایوکا گراں بہائی انت آئی ءَ را عمران خان ءِ راھشونی ءَ ھلاس کنیں‘ کراچی سرکلر ریلوے ءِ جیڈھ سندھ حکومت ءُُ نشتگیں مردماں گوں ھواری ءَ حل کنیں۔آں ھپتگ ءَ ریلوے ہیڈ کوارٹرز لاہور ءِ تہ پریس کانفرنس ءَ گوں تران کنگ ات۔ شیخ رشید احمدءَ گوشت کہ تیزگام وئیل ءِ گیش پٹ ءُُ پول ھاترا 3 اے جی ایم سرا ھوار کمیٹی جوڈ کنگ بوتگ انت،ہمہ وئیل ءِ پٹ ءُُ پول کن انت،واکیہ ءِ زمہ وارءَ را سزا دیگ بیت‘ واکیہ ءِ زمہ واراں را سزا دیگ بیت،واکیہ ءِ کمیٹی ءِ نیمگا چہ ٹھوس رپورٹ نہ دیگ بوتگ‘ آہاں گوشت کہ واکیہ ءِ انکوائری تہ مہ غیر جابنداری ءِ درشان کتگ، کمیٹی ءِ رپورٹ ءَ را دارگ ءِ کوشست مہ کتگ ءُُ نہ ایشی ءِ تہ دست مانجنی کتگ۔یک جستے ءِ پسوءَ بنجاہی وزیر ءَ گوشت کہ چوہدری براتانی بیان ءَ چہ حیران بوتگ اوں،آوکیں ھپتگ ءَ آہاں گوں گند ءُُ نند کناں آں کجام نہ روگ انت۔ یک جستے پسو ءِ تہ پاکستان ریلوے ءِ مئے وھد ءِ آڈٹ رپورٹ انوں جم مہ بوتگ‘ ریلوے ءِ کارکردگی ءِ ھوالہ چہ ہمہ رپورٹ اتکگ ایشی ءَ گوں مئے ہچ سیادی نیست انت،وھدیکہ نوکیں آڈٹ رپورٹ جم بیت تو ایشی تہ مارءَ بہتام جنئگ بوت کن ایت۔ نواز شریف ءِ واتری ءِ ھوالہ چہ یک جستے پسو ءِ تہ ریلوے وزیر ءَ گوشت کہ نواز شریف کدی ھم واتر مہ بیت،مریم نوازءَ را روگی نیست انت البتہ شہباز شریف واتر بیت۔ کراچی سرکلر ریلوے ءِ ھوالہ چہ جستے پسو ءِ تہ آہاں گوشت کہ مزن وزیر ءَ سرپد کتگ کہ 15روچ ءِ تہ کے سی آر خالی کنگ آسان کار نیست انت بلے مزن وزیر ءَ کڈنی داتگ کہ آمیدگس ءَ را دلجم کنگ بیت۔آہاں گوشت کہ کے سی آر حالی کنگ ءَ پہ تیار انت،سپریم کورٹ ءِ کڈنی ءِ روژنی ءِ تہ سر وزیر سندھ ءِ گوما گند ءُُ نند بیت۔آہاں گوشت کہ پیسرءَ سی آرءِ38کلومیٹر حالی کتگ۔نوں شش کلومیٹر پد انت،سپریم کورٹ ءَ ایشی ءَ را 15روچ ءِ تہ بحالی ءِ نوٹس داتگ۔ یوم کشمیر ءِ درگت ءَ وتی کلوھ دیان ءَ آہاں گوشت کہ کشمیر زیندگ انتءُُ بہ بیت وھدیکہ یک کشمیری زندگ انت یا اودا کشمیریانی قبراست انت دگنیا ءِ کجام تاگت جدوجہد آزاتی کشمیر ءَ را پدا کت مہ کن ایت‘5 فروری ءَ لال حویلی ءِ تہ راج دپتری مچی ءُُ روانک ءِ برجم داری کن انت‘ ریلوے ءِ پنشنرز ءِ معاملہ ای سی سی ءِ تہ برگ بوھگ انت۔ شیخ رشید احمدءَ گوشت کہ 15فروری ءَ گوجرانوالہ ءَ چہ لاہور شٹل ٹرین ھلائینگ بیت وھدیکہ مغلپورہ ڈرائی پورٹ ءَ را گہتر جوڈ کنگ ءِ ھوار ازاخیل ءِ پدا چشتیاں،کندیاں،شیخوپورہ،چھانگامانگا،ڈرائی پورٹس ءِ تہ گہتری آرگ بوھگ انت۔آہاں گوشت کہ ریلوے ءِ تہ گوزوکیں سال فریٹ ءُُ لینڈ ءِ سال قرار داتگ ایشی چہ ٹارگٹ برز بوھگ انت۔اے وڈ ءَ پسنجر سیکٹر ءِ تہ ھم تنیگہ ٹارگٹ ءَ چہ دیما انت۔ وزیر ریلوےءَ گوشت کہ 75نوکیں چائینیز کوچز ءَ را ری نیو کنان ءَ 4ٹرین آنی تہ نوکیں کوچز جنئگ بنت۔اے وڈ ءَ فریٹ ویگنز ءِ تہ ھم 300 کوچز ری نیو کنان ءَ جنئگ بنت۔ آہاں گوشت کہ ریلوے نادراھ جاھانی ءُُ سکول گہتریں کار کنگ انت وھدیکہ جندی تک ءَ گوں ھواری ءَ ایشی ءَ را گیش گہتر کنگ بوھگ انت۔(NAJ)
