اسلام آباد۔ 20 فروری (اے پی پی) اینخو مالی سال اٹی نجی بشخ ئِ تروک آ وام تا کچ اٹی 75ارب روپئی آن زیات ودکی مسنے۔ گدرینگوک آ مالی سا ل 2015-16ءٹی بینک و مالیاتی ادارہ غاتا کنڈآن نجی بشخ ئِ وام تا فراوانی ٹی دوگناودکی مسنے و سال اٹی 446.5ارب روپئی نا وام جاری کننگا وخت اس کہ داڑآن گدرینگوک آ مالی سال 204-15ءٹی نجی ادارہ غاتے تروک آ وام تا کچ 223.8 ارب روپئی ریکارڈ کننگاسس۔ سٹیٹ بینک آف پاکستان نا حساب وکتاب نا رداٹ جاری مالی سال 2016-17ءٹی 3 فروری 2017ءاسکان بینک و مالیاتی ادارہ غاتا کنڈآن نجی بشخ ئِ تروک آ وام تا کچ 324.5ارب روپئی ریکارڈ کننگانے وخت اس کہ گدرینگوک آ مالی سال انا ہنداوخت اٹی تروک آ وام تاکچ 249ارب روپئی مسوسس۔ ہنداوڑ گدرینگوک آ مالی سال نا مقابلہ ٹی اینخو مالی سال اٹی بینک آتا کنڈآن نجی ادارہ غاتے تروک آ وام تیٹی 75.5ارب روپئی نا ودکی ریکارڈ کننگانے ہراڑآن ملک اٹی کاروباری و صنعتی و سرجزآتا مون آ دننگ نا عکاسی مریک۔
