کوئٹہ۔ 22جنوری (اے پی پی) وزیراعظم پاکستان نا خصوصی کمکار حوالکاری و شین کاری ڈاکٹر فردوس عاشق اعوان تون کوئٹہ نا دورہ ٹی چندی ڈل آک اوڑدہی کریر۔ اوڑدہی کروک آتے ٹی پریس انفارمیشن ڈیپارٹمنٹ PID پاکستان ٹیلی ویژن کوئٹہ سینٹر، ایسوسی ایٹڈ پریس آف پاکستان و ریڈیو پاکستان کوئٹہ نا آفیسر آتون کوئٹہ ٹی اوڑدہی کرے۔ اوڑدہی ٹی ادارہ غاتا کارکڑدگی و ویل آتا بابت سرجم گپ و تران مس۔ خصوصی کمکار حوالکاری ہر مسٹ آ ادارہ غاتا سروک آتے پارت کرے کہ او تینا ویل آتے نوشتہی وڑاٹ پیش کننگے۔ پی ٹی وی سینٹر نا جنرل منیجر محمد ایوب بابئی”اے پی پی‘ ‘ کوئٹہ نا بیورو چیف نذرمحمد بلوچ ، ریڈیو پاکستان کوئٹہ نا اسٹیشن ڈائریکٹر سہیل جعفر و ڈائریکٹر PID کوئٹہ تینا تینا ادارہ غاتا کارکڑدگی نا بارواٹی بریف کریر ۔ خصوصی کمکار حوالکاری و شین کاری تون فلاحی تنظیم سیلانی ویلفیئر ٹرسٹ نا عہدیدارآک ہم اوڑدہی کریر، و فلاحی سرجزآتا بارواٹ بریف کریر ۔
