بلوچستان اٹی برف آن الس ءِ مشکلات
اسلام آباد ۔ 22جنوری (اے پی پی) ڈپٹی اسپیکر قومی اسمبلی قاسم خان سوری بلوچستان اٹی برف انا سوب آن مروک آ نسخان و الس ءِ مون تروک مشکل آتے مون آ تخسا تینا جہانی دورہ ءِ گونڈ کرسا وطن آ پدی بس و بروک آ اِرا دے انا تہہ ٹی بلوچستان نا ہلہلہ ئی دورہ ءِ کننگ ءِ ۔ قومی اسمبلی سیکرٹریٹ آن جاری بیان نارداٹ دا چرجوئی ٹی ڈپٹی اسپیکر قومی اسمبلی قاسم خان سوری وطن آ پدی بننگ تون منیجنگ ڈائریکٹر بیت المال عون عباس بپی و چیئرمین ہلال احمر (ریڈ کراس) ابرارالحق تون اوڑدہی کرینے ۔ اوڑدہی تیٹی بلوچستان اٹی برف آن زہمی علاقہ و خلقت اٹ خور بشمول نت، بورہ ، برنج پین پین ، تمبو ، کمبل ، باسن ءُ پچ ، گیس سلنڈر ، ساہدار تیکن چارہ و ایلو گڑاتا ہلہلہ ئی بنداو تیا بشخنگ آ ہیت وگپ مس ۔ ڈپٹی اسپیکر قومی اسمبلی برف آن زہمی علاقہ غاتا خلقت نا نسخان تے پورو کننگ کن مالی امداد نا فراوانی آہم زور شاغا ۔
