تہی کارانی وزیر ءِ برطانیہ ءِ کرکٹ ٹیمب ءَ را پاکستان آھگ ءِ دعوت
اسلام آباد ۔ 22 جنوری (اے پی پی)تہی کارانی وزیر اعجاز شاہ ءَ برطانیہ ءِ کرکٹ ٹیمب ءَ را پاکستان آھگ ءِ دعوت دیان ءَ گوشت کہ برطانوی ٹیمب ءِ پاکستان آھگ سرا سرجم ءِ کمک کن انت،مئے برطانیہ ءِ گوما ایوکا حکومتی تبک ءِ سرا رھوت نیست انت بلکہ مہلوک ءِ وتیگ ءِ تہ سیادی ھم باز انت ۔ اے ھیالانی درشان آہاں چار شمبے ءَ برطانیہ ءِ نوکیں ہائی کمشنر ڈاکٹر کرسٹین ٹرنر ءِ گوما گند ءُُ نند ءِ تہ کتگ ات ۔ تہی کارانی وزیر اعجاز شاہ ءَ نوکیں ہائی کمشنر ءَ را پاکستان ءِ تہ وش اتک کرتگ ۔ گند ءُُ نند ءِ تہ دری کارانی وزیر ءَ گوشت کہ مئے ایوکا حکومتی لیول ءِ سرا نہ بلکہ مردمانی یک دومیگ ءَ گوں سیادی باز انت ۔ برطانیہ ءِ کر کٹ ٹیمب ءَ را پاکستان ءَ آرگ ءِ سرا چار ءُُ بچار کنگ بیت ۔ آہاں گوشت کہ برطانیہ ءِ ٹیمب پاکستان آھگ ءِ سرا سرجم کمک کن انت ۔ کرکٹ ءِ لیئب پاکستانی مردمانی دل آنی باز نزیک انت ۔ اے موہ ءِ سرا برطانوی ہائی کمشنر کرسٹین ٹرنر ءَ گوشت کہ برطانیہ ءِ ھاترا پاکستان ءِ گوما دودیمی سیادی ءِ گہتری باز ارزشت دار انت ۔ کرکٹ ءِ وسیلگ ءَ چہ دودیمی سیادی دوئیں ملکاں را نزیک کنگ انت ۔ آہاں گوشت کہ پاکستان ءِ تہ بین الاقوامی کرکٹ ءِ واتری وشیں گپ انت ۔ اگہ مہ اے کرت کتگ تو منی ھاترا شرپے گپ انت ۔ آہاں گوشت کہ اے درگت ءَ المی گامانی سرا چار ءُُ بچار کنگ اوں ۔
