کوءٹہ ۔ 22جنوری (اے پی پی) وزیراعلیٰ بلوچستان جام کمال خان تدوک آ دے کراچی شپ یارڈ انا دورہ ءِ کرے و شپ یارڈ انا چندی بشخ آتا معائنہ ءِ کرے، صوبائی وزیر راجی آسراتی میر اسد بلوچ وزیراعلیٰ تون اوار ئس، شپ یارڈ آ سرمننگ آ منیجنگ ڈائریکٹر شپ یارڈ ریئر ایڈمرل اطہر حسین وزیراعلیٰ ءِ بخیر کرے و اودے شپ یارڈ انا بارواٹی حوال تس، داوخت آ گپ و تران کرسا وزیراعلیٰ پارے کہ وزارت دفاعی پیدوار صوبائی حکومت نا شریداری اٹ پسنی ٹی شپ یارڈ اس جوڑ کننگ ءِ و اونا کراچی شپ یارڈ انا دورہ نا مسخت تربیتی آسراتی و داڑے جہاز آتا تیاری نا جاچ ءِ ہلوئی ءِ، اوکراچی شپ یارڈ اٹی بلوچستان نا ورناتے تربیت نا فراوانی نا است خواہی نا درشانی ءِ کرسا پارے کہ نن تینا ورناتے تربیت فراوان کرسا پسنی شپ یارڈ اٹی روزگار نا دوئی کننگ نا لاءخ کننگ خوانہ، منیجنگ ڈائریکٹر کراچی شپ یارڈ وزیراعلیٰ ءِ شپ یارڈ اٹی دوئی ہیلکاری آسراتی تا بارواٹی معلومدار کرسا پارے کہ اوفتا ہیل کاری ادارہ ٹی بلوچستان نا ورناتے ہم داخلہ تننگک ۔ داوخت آتربیتی باندات آتے حتمی دروشم اس تننگ نا فیصلہ کننگا ۔
