کویت ۔ 22 جنوری (اے پی پی) کویت ءَ استیں پاکستان ءِ نوکیں سفیر سید سجاد حید ر ءَ کویت ءِ امیر شیخ الصباح الحمد الجابر الصباح ءَ را وتی سرٹیفیکٹ پیش کت انت ۔ اے رد ءَ چار شمبے ءَ دیوان ءِ امیر ءَ پاکستان ءِ نوکیں سفیر ءِ شرپ ءَ یک پُر مڈاھیں دیوان ءِ برجم دارگ بوت ۔ اے موہ ءِ سر ءَ دوئیں ملک آنی راجی سوت جنگ بوت انت ءُُ پاکستانی سفیر ءَ را گارڈ آف آنر پیش کنگ بوت ۔ ایشی ءَ پد پاکستانی سفیر ءَ کویت ءِ امیر ءَ گوں گند ءُُ نند کت ءُُ کویت ءِ وشھالی ءُُ دیمروئی ءُُ پاکستانی سروکی ءِ نیمگ ءَ چہ نیکیں واھشت آنی کلوہ سر کنگ بوت ۔ سیدّ سجاد حیدر ءَ گوشت کہ پاکستان کویت ءِ گوما توا میں شوبگ آنی تہ ءَ وت مہ وتی سیت ءِ واستہ دونیمگی کمک آناں گیش ودینگ ءِ واھشت ایگ انت ۔ پاکستانی سفیر ءَ کویت ءَ پاکستانی شہری آنی ویزا آنی بندش ءِ جیڈھ ءَ را ھم چست کت ۔ امیر ءِ کویت ءَ دوئین ملک آنی نیام ءَ دو نیمگی یکوئی آنی تہ ءَ گیش گیشی ءِ واستہ سرج میں کمک ءِ دل یکیمی کت ۔ آئی ءَ اے گپ ءِ سر ءَ زور پر دات کہ ویزا آنی سر ءَ بندش ءِ جیڈھ ءَ را گیش باست ءُُ واست ءِ ضلورت انت ۔ امیر ءِ کویت ءَ ھم پاکستانی سروکی ءُُ الس ءِ واستہ نیکیں واھشت آنی درشان کت ۔
