کوئٹہ۔ 21جنوری (اے پی پی) گورنر بلوچستان امان اللہ خان یاسین زئی تون سے شنبے نادے آ گورنر ہاؤس کوئٹہ ٹی نیشنل ڈیزاسٹرمینجمنٹ اتھارٹی (این ڈی ایم اے) پاکستان نا چیئرمین لیفٹیننٹ جنرل محمد افضل اوڑدہی کرے، اوڑدہی ٹی صوبہ ٹی ساڑی آ برف و پِر تیان مروک آ مالی و جانی نسخان آ زہمی تا بحالی و کمکی سرجزآتیا گپ وتران کننگا، داوخت آ گورنر بلوچستان پارے کہ ننے ہروڑنا ہلہلہ ئی حالیت آتون مون تننگ کن تینا ادارہ غاتے پین سوگو کروئی مریک انتئے کہ ناگہانی حالیت آتون پبی وڑاٹ مون تننگ گچین طرز حکمرانی نا نشانی ءِ۔ گورنر بلوچستان امان اللہ خان یاسین زئی پارے کہ مشکل نا داساہت اٹ این ڈی ایم اے کون آ فعال ادارہ غاتا کلیدی کڑد اسے و دارداٹ بند انگا کسر تے زوت ملنگ کن ضروری مشینری فراوان کننگے تانکہ جانی و مالی نسخان آتے کم آن کم کننگ مرے۔
