اسلام آباد ۔ 20 جنوری (اے پی پی) مزن وزیر عمران خان ءَ گوشت کہ حکومت ءَ اولی روچ ءَ چہ پیسلہ کتگ بوتگ کہ پاکستان ءَ را صنعتیی ھاٹیگ جوڑ کناں ، اے مول ءُُ مراد ءِ واستہ آ وت ءُ آئی معاشی ٹیمب ھمک رنگیں کمک پجاریناں ۔ مزن وزیر ءَ چیئرمین ایف بی آر ءَ را پنت ءُپ شون کت کہ آ ٹیکس ءِ ھوالگ ءَ ڈل ءِ شور ءُُ مشور آنی رد ءَ دو شمبے ءَ اوپن ہاءوس برجم داراں ءُُ صنعتکار آنی جیڈھ آں وت گوشداراں ۔ اے ھیالانی درشانی آئی ءَ سرج میں ملک ءَ نوک گچین بوتگیں چیمبر آف کارمس اینڈ انڈسٹری ءِ صدر ءُُ نماھندگ آنی ڈل ءَ گوں تران کنان ءَ کت ۔ آواں دو شمبے ءَ ادا مزن وزیر کارگس ءَ گوں مزن وزیر ءَ گند ءُُ نند کت ۔ ڈل ءِ تہ ءَ محمد احمد (اسلام آباد چیمبر)، ملک محمد اشرف (سیالکوٹ چیمبر)، رانا محمد سکندر اعظم (فیصل آبادچیمبر)، میاں عمر سلیم (گجرانوالہ چیمبر)، علی حسین اصغر (لاہور چیمبر)، میر نوید بلوچ (گوادر چیمبر)، شاہد حسین (خیبر پختونخوا چیمبر)، رضوان علی (گلگت بلتستان چیمبر) ءُُ ایندگر ھوار اتنت ۔ اے موہ ءِ سر ءَ وزیر ھاٹیگ عمر ایوب، مشیر تجارت عبدالرزاق داءود، چیئرمین سرمایہ کاری بورڈ سید زبیر گیلانی ءُُ چیئرمین ایف بی آر سید شبر زیدی اے موہ ءِ سر ءَ ساڑی اتنت ۔ ڈل ءَ مزن وزیر ءُُ حکومت ءِ معاشی ٹیمب ءَ را کاروبار ءُُ صنعت آنی دیمروئی ءِ واستہ چست کتگیں گامگیج آناں لاءک ءِ ستا ءُُ توسیپ پیش کت ۔
