اسلام آباد۔ 10 دسمبر (اے پی پی) بنجائی وزیر امور کشمیر و گلگت بلتستان علی امین خان گنڈاپور پارینے کہ انسانی حق انا جہانی ادارہ مقبوضہ کشمیر اٹی بھارتی ظلم انا توننگ کن عملی گام گیج کے، انسانی حق انا جہانی ادارہ غاک تینا رپورٹ آتے ٹی بھارتی ظلم ءِ بے نقاب کرینو، بھارت آ جہانی زور اٹی ودکی و بھارت آ اقتصادی پابندی خلنگے، بھارت اٹی نام نہاد سیکولرازم ہم دفن مسنے۔سے شنبے نادے آ انسانی حق انا جہانی دے انا بابت تینا کلہو اٹی اوپارے کہ انسانی حق انا جہانی ادارہ مقبوضہ کشمیر اٹی بھارتی ظلم انا توننگ کن عملی گام گیج کے۔ انسانی حق انا جہانی ادارہ غاک تینا رپورٹ آتے ٹی بھارتی ظلم ءِ بے نقاب کرینو۔ اوپارے کہ بھارت آ جہانی زور اٹی ودکی و بھارت آ اقتصادی پابندی خلنگے، ہندو انتہاپسند بھارت اٹی اقلیت آتا حق انا بابت اسہ بھلو انسانی المیہ اس ودی مننگ ءِ۔ بنجائی وزیر پارے کہ بھارت نا غٹ ادارہ غاک ہندو انتہاپسند جماعت بی جے پی و آر ایس ایس نا ایجنٹس مسنو۔ بھارت نا غٹ اقلیت آتے ہندو انتہاپسند آتا رحم و کرم آ ہلنگانے۔ علی امین گنڈاپور پارے کہ بھارت اٹی نام نہاد سیکولرازم ہم دفن مسنے۔ ہندو انتہاپسند بھارت اقلیت آتون علاقائی و جہانی امن کن ہم بے کچ خطرناک مریک۔ جہانی برادری ڈیہہ ٹی داخطرناک حالیت آتا وخت آ بایدے نوٹس ءِ ہلے۔ اوپارے کہ مقبوضہ کشمیر انسانی حق انا لس خون نا بابت اسہ المناک مثال اس مسنے۔ جہانی برادری ءِ انسانیت کن تینا معاشی و سیاسی فائدہ غاتے یلہ کروئی مریک۔ اوپارے کہ جہانی برادری اینو نا دے دا عزم کے کہ انسانی حق انا رکھ ءِ تینا اولیت آتے ٹی اوار کیک۔
