اسلام آباد۔ 9 دسمبر (اے پی پی) مزن وزیر عمران خان ءِ سروکی ءَ حکومتی معاشی ٹیمب ءِ دیوان ءِ بنگیج دو شمبے ءَ کنگ بوت۔ دیوان ءَ ملکی معاشی جاور ھال، ایف بی آر ءَ گوں سیادی داروکیں آمید گس ءَ مھتلیں کیس آنی تہ ءَ دیمروئی، ڈن ملک ءَ نندوکیں پاکستانی آنی نیمگ ءَ روان داتگیں زرّ آئی ھوالگ ءَ آسراتی، پاکستان اسٹیل ملز ءِ برجائی معشیت ءِ برورد آناں الس ءَ تاں سر کنگ ءُُ الس ءَ را ریلیف پجارینگ ءَ ھوار ایندگر گامگیج آنی وڑیں ارزشتی ایں جیڈھ چار ءُُ تپاس کنگ بوت انت۔ دیوان ءَ گوں گشتانک دیان ءَ مزن وزیر ءَ گوشت کہ ملکی معیشت ءِ برجائی حکومتی کوشست آنی واستہ جوانیں نتیجگ گندگ بوتگ انت۔ آئی ءَ گوشت کہ اقتصادی ٹِک آنی رد ءَ ٹوھیں مشکل آنی وھد ءَ معیشت ءِ پڑ ءَ مرچی پراھ ءُُ شاھیگانیں برجائی گندگ بوھگ ءَ انت، برجائی ءَ چہ دیم ءِ سفر معیشت ءِ گہتری ءُُ دیمروئی انت۔ آئی ءَ گوشت کہ معاشی برجائی ءُُ اقتصادی ٹِک آنی گہتری آنی منگ میاں اوستمانی ادارگ آنی نیمگ ءَ ھم کنگ بوھگ ءَ انت ایشی ءَ چہ ناں ایوک ءَ ملکی بلکینگ ءَ سرمایہ کاری ءُپ کاروباری برات آنی دلبڈی ءُُ دل یکیمی بوتگ۔ مزن وزیر عمران خان ءَ گوشت کہ بازیں گور ءَ چہ زاتی سیت ءِ ھاترا ملکی معیشت ءِ وڑیں ارزشتی ایں راجی جیڈھ آنی سر ءَ دروگ ءُُ بٹاک ءُُ پروپیگنڈا کنگ اپسوزی انت۔ آئی ءَ گوشت کہ اے رنگیں مردم آنی گوما دیم پہ دیمی المی انت تانکہ راستیں ھال الس ءَ تاں رسگ دل یکیمی کنگ بہ بیت۔ مزن وزیر ءَ معاشی ٹیمب ءَ را پنت ءُُ شون کت کہ معیشت ءِ ھوالگ ءَ لوٹ بوتگیں جیڈھ آنی گیواری زوتاں زوت کنگ بہ بنت تانکہ معاشی دیمروئی ءِ کار یک شلی ءَ بہ چل ایت۔
