اسلام آباد۔ 15 فروری (اے پی پی) بنجائی وزیر خزانہ اسحاق ڈار کے الیکٹرک و کیہی بنجائی سرکاری ادارہ غاتا نیام اٹ ایسر نا چاری ویل آتا ایسری ٹی پورو کمک فراوان کننگ نا یخین دہانی کرفسا پارے کہ حکومت تینا زرکاری دوست پالیسی و آسراتی تا کمک اٹ کیہی بشخ آتیٹی زرکاری نا است بڈی ئِ کننگ ئِ و درملکی زرکارآک آزادانہ زرکاری نظام آن فائدہ ہرفنگ نا خواہندار ئُ۔ داخیال آتا درشانی ئِ او داڑے کے الیکٹرک نا اسہ ڈل اسے تون اوڑدہی ٹی کرے۔ بنجائی وزیر دیر و بجلی خواجہ محمد آصف ہم داوخت آ ساڑی ئس۔ ڈل انا سروک عمر لودھی بنجائی وزیر ئِ کراچی ٹی بجلی نا حالیت و شارانا کیہی علاقہ غاتیٹی بجلی فراوانی نا گچینی کن گام گیج نا بارواٹی معلومدار کرے۔ ڈل کے الیکٹرک نا ادائیگی و وصولی تا حالیت آتیا بریفنگ آن بیدس ایسر نا چاری ویل آتا ایسری اس ہم تجویز کننگا۔ داوخت آ پاننگاکہ شنگھائی پاور نا کے ۔الیکٹرک اٹی زرکاری آمذاکرات برجاہ ئِ و دابابت معاملہ غاتے زوت گڈیکو دروشم تننگک۔ دیوان ئِ پاننگاکہ کے الیکٹرک نا بھلا شریدار ابراج گروپ پاکستان نا بنکنگ و جان جوڑی نا بشخ آتیٹی کم و ود 15 کروڑ ڈالر نا زرکاری نا ارادہ تخک۔ بنجائی وزیر خزانہ کے الیکٹرک و کیہی بنجائی سرکاری ادارہ غاتا نیام اٹ ایسر نا چاری ویل آتا ایسری ٹی پورو کمک فراوان کننگ نا یخین دہانی کرفے۔ او ابراج گروپ نا گمانی زرکاری نا خیرمقدم ئِ کرسا پارے کہ حکومت تینا زرکاری دوست پالیسی و آسراتی تا کمک اٹ کیہی بشخ آتیٹی زرکاری نا است بڈی ئِ کننگ ئِ و درملکی زرکار آک آزادانہ زرکاری نظام آن فائدہ ہرفنگ نا خواہندار ئُ ۔ وزارت خزانہ ، پٹرولیم و قدرتی وسیلہ و دیر و بجلی نا سینئر کمامدارآک ہم ساڑی ئسر۔
