وزیراعظم محمد نواز شریف تون اوڑدہی ٹی چیئرمین واپڈانا ہیت وگپ
پروجیکٹ نا ڈرائی ٹیسٹ دسمبر 2017، ویٹ ٹیسٹ بروک آ سال یکم فروری آ مریک
اسلام آباد۔ 15 فروری (اے پی پی) نیلم جہلم ہائیڈرو الیکٹرک پروجیکٹ بروک آ سال 28 فروری آ بناءکن تیار مریک۔ واپڈا نا چیئرمین لیفٹیننٹ جنرل (ر) مزمل حسین چارشنبے آ داہیت ئِ وزیراعظم ہاﺅس اٹی وزیراعظم محمد نواز شریف ئِ اوڑدہی ٹی پارے۔ وزیراعظم واپڈا نا پوسکن آ چیئرمین ئِ اہم ہائیڈرو پاور پروجیکٹ آتیا کاریم نا رفتار ئِ ترند کننگ نا زمواری تسوسس تانکہ اوفتے تخوک آ وخت اٹی پورو کننگ مرے۔ نیلم جہلم پروجیکٹ نا لیفٹ ٹنل کنکشن ئِ 23 اکتوبر 2016ءآ پورو کننگا وخت اس کہ رائٹ ٹنل کنکشن 30 اپریل 2017 ءاسکان پور ومریک۔ پروجیکٹ نا ڈرائی ٹیسٹ دسمبر 2017ءٹی کننگک وخت اس کہ ویٹ ٹیسٹ بروک آسال یکم فروری آ بجلی نا پیداوار و یکونیم کروڑ ڈالر نا محصولات نا کٹیا تون بناءکیک۔ نیلم جہلم نا ارٹ میکو یونٹ 15مارچ 2018 ءاسکان آپریشنل مریک، مسٹ می و چارمیکو یونٹ 15اپریل اسکان آپریشنل مریک۔ کچھی کینال ڈٹ انا زوت پوروی آن پد ڈیرہ بگٹی نا 72ہزار ایکڑ رقبہ ئِ آبپاشی کن دیر فراوان کننگک۔ 2160میگاواٹ نا داسو ہائیڈرو پاور پروجیکٹ کن 9917 ایکڑ ڈغار نا دوئی مئی 2017 ءاسکان پورو مریک۔ وزیراعظم جون 2017ءٹی داسو پروجیکٹ نا بھلا جوڑ جاڑی کاریم نا بنداو ئِ تخک۔ دا ڈٹ 4300 ملین ڈالر نا خڑچ آن پورو مریک۔ گولن گول ہائیڈرو پروجیکٹ چترال نا گرج آتیان مسہ گناہ زیات بجلی ودی کیک۔ دا پروجیکٹ گولن گول نالہ غا اڈ تننگ انگ ئِ ۔ ہرانا 3.8 کلو میٹر مریس ٹنل مریک، 108 میگاواٹ نا لائخی نا دا ڈٹ دسمبر 2017 ءاسکان پورو مریک و داڑآ 29.077 ارب روپئی خڑچ بریک۔ تربیلا نا چارمیکو ودکی ڈٹ آن پروجیکٹ نا لائخی 3478میگاواٹ آن ودسا 4888 میگاواٹ مریک و ایکسٹنشن نا اولیکو یونٹ دسمبر 2017ءو ارٹ می و مسٹ میکو یونٹ 2018ءنا نیام اٹ اڈ ہلیک۔
