عمران خان نا مہمند ایجنسی ٹی خودکش جلہو نا مذمت

اسلام آباد۔ 15 فروری (اے پی پی) چیئرمین تحریک انصاف عمران خان مہمند ایجنسی ٹی خودکش جلہو نا مذمت ئِ کرینے و جلہو اٹی جانی و مالی نسخان آ ڈکھ انا درشانی ئِ کرینے۔ چارشنبے آ بنجائی میڈیا ڈیپارٹمنٹ نا کنڈآن جاری بیان نا رداٹ چیئرمین پاکستان تحریک انصاف عمران خان پارینے کہ دہشت گردی نا بیخ کنی کن قومی کہول آ کوشست المی ئِ۔ سوب و وجوہ نا تدارک اسکان دہشت گردی نا پوروی اٹ چٹفنگ ممکن مننگ کپک۔ اوپارے کہ داخلہ، خارجہ و قومی سلامتی نا پالیسی تے مربوط کننگ نا گرج ئِ۔ اوپارے کہ ٹھپی تا زوت جان جوڑی و شہید آتا درجہ غاتا بڑزی کن دعاگو اُن۔