اسلام آباد۔ 15 فروری (اے پی پی) دنیا نا ایلو ملک آتیانبار پاکستان اٹی ہم جہانی یوم راجی انصاف 20 فروی آ دا عزم انا تجدید تون اڈ تننگک کہ راج انا غٹ تپہ خاص کر متوسط و نیزگارخلقت کن راجی انصاف نا فراوانی ئِ المی جوڑ کننگے و اوفتے غٹ بنداوی آسراتی و شونداری وارخواہی فراوان مرے۔ جہانی راجی انصاف طالب علم و استاد آتے راجی شرحالی نا بابت ہم زمواری تیان معلومدار کیک تانکہ مچ آ دنیاٹی خلقت ئِ زبان ، رنگ ، نسل ، عقیدہ یا عمر آن قطع نظر راجی انصاف نا مون آ دننگ کن کاریم کننگے۔ بنجائی دارالحکومت اٹی چندی تنظیم تا کنڈآن پروگرام و دود اڈتننگک ۔ ہرافتے ٹی راجی انصاف نا اہمیت ئِ تالان کننگک۔ اسکول ، کالج ، یونیورسٹی تیٹی ہم دا چرجوئی ٹی دود مریک۔ دا دے ئِ اڈ تننگ نا مسخت جہانی برادری نا ہمو کوشست آتے ٹی کمک کننگ نا ئِ کہ دنیا آن نیزگاری ئِ چٹفوئی ئِ۔ صنفی بریبری و غٹ خلقت کن راجی انصاف و شونہالی ئِ المی جوڑ کننگ نا ئِ۔
