اسلام آباد۔15فروری ( اے پی پی ) جوائنٹ چیفس آف اسٹاف کمیٹی ئِ چیئرمین جنرل حیات ئَ چار شمبے ئِ روچئَ مزن وزیر محمد نواز شریف ئَ گوں گندءُ نند کتگ ءُ سٹرٹیجک کارانی سرئَ ھیال ءُ لیکہئِ درشانی کتگ۔ اے گپ ئِ سرئَ تپاک کنگ بوتگ کہ لاہور ئَ ناشرکاری ئِ اُرشئَ چہ پاکستان ئَ چہ ناشرکاری ئِ ھلاسی ئِ ھاترئَ راج ئِ جزم ئَ ر ا نیزور کنگ نہ بیت۔ جنرل زبیر حیات ئَ گشتگ کہ سلاھ بندیں فوج ئَ سویلین سکیورٹی ادارگ آنی کمکئَ چہ پاکستان ئِ تہا ناشرکاری ئَ را سرجم ئَ ھلاس کنگئِ جزم کتگ۔ لاہور ئَ ناشرکاری اُرش ئَ شہید بوتگیں پولیسئِ بامرداں داد ءُ سلام پیش کنگ بوتگ۔ گندءُ نند ئِ تہا سلاھ بندیں فوج آنی ڈویلپمنٹ پروگرام ئِ ھم چارءُ تپاسی کنگ بوتگ۔
