اسلام آباد۔15فروری ( اے پی پی) پاکستان مسلم لیگ (ن) ئِ رھنماطلال چو ہدری ئَ گشتگ کہ عمران خان کرکٹ میچ ئَ را بال ٹیمپرنگ ءُ پاناما کیس ئَ را دروگ ئِ سرئَ باج برگ لوٹ ایت۔ چار شمبے ئِ روچئَ شاہ آمید گس ئِ ڈنئَ ھال در ئِ گوما گپ ءُ تران کنان ئَ آئی ئَ گشتگ کہ لاہور وئیلئَ پد شہیدانی کبر ءُ کسارت نہ بوتگ بوتگ کہ عمران خان ئَ وتی ایر جنگی پندل بندات کتگ بوتگ اَنت۔آئی ئَ گشتگ کہ شرگداری کنگ اپوزیشن ئِ ھق بلے شرگیداری شری ئِ واستہ بہ بیت ءُ اے سیاسی پوائنٹ سکورنگ مہ بیت۔ طلال چوہدری ئَ گشتگ کہ سکیورٹی فورس آنی افسر ءُ ورناھاں مے رکھینگءِ ھاترئَ وتی جان ندر کتگ اَنت مارا ایشی ئِ سرئَ پھر اِنت۔ آئی ئَ عمران خانئَ را گشتگ کہ ترا سرپد بوھگ لوٹ ایت کہ پنجاپ پولیسئَ پنجاپ ئِ سروزیرشہباز شریف ءِ سروکی ئَ گوستگیں ساڈھے سئے سالانی تہا امیچو ناشرکار دزگیر کتگ آ سزا دیئگ بوتگ اَنت ءُ بازینے کُشگ بوتگ کہ اے کساس آ دگہ صوبہ آں چہ گیشتر اِنت۔
