اسلام آباد۔ 15 فروری (اے پی پی) نیلم جہلم ہائیڈرو الیکٹرک پراجیکٹ آیوکیں سال ئِ 28فروری ئَ بنگیجی ئَ تیار بیت۔ واپڈا ئِ چیئرمین لیفٹیننٹ جنرل (ر) مزمل حسین ئَ چار شمبے ئِ روچ ئَ اے گپ مزن وزیر گس ئَ گوں مزن وزیر محمد نواز شریف ئَ گوں گند ئُُ نند ئِ ساھت تران کُت اَنت۔ مزن وزیر ئَ واپڈا ئِ نوکیں چیئرمین ئَ را ارزشتی ایں ہائیڈروپاور پراجیکٹس ئِ سر ئَ کار ئِ ترندی کنگ ئِ زمہ واری دات تانکہ ایشرا گیشینتگیں وھد ئُُ پاس ئِ سر ئَ سرجم کنگ بہ بیت۔ نیلم جہلم پراجیکٹ ئِ لیفٹ ٹنل کنکشن ئَ را 23اکتوبر 2016ئَ سرجم کنگ بیت وھدیکہ رائٹ ٹنل کنکشن 30اپریل 2017ئَ سرجم کنگ بیت۔ پراجیکٹ ئِ ڈرائی ٹیسٹ دسمبر 2017ئَ کنگ بیت وھدیکہ ویٹ ٹیسٹ آیوکیں سال ئِ یکم فروری ئَ توان ئِ جوڑیشت ئُُ یک کروڑ ئُُ پنجاھ لکھ ڈالر ئِ ھرچ ئُُ درچ ئَ چہ بندات کنگ بیت۔ نیلم جہلم ئِ دومی یونٹ 15مارچ 2018ئَ تاں آپریشنل بیت۔ سیمی ئُُ چارمی یونٹ 15اپریل ئَ تاں آپریشنل کنگ بیت۔ کچھی کینال منصوبگ ئِ زوت سرجمیئَ پد ڈیرہ بگٹی ئِ 72ھزار ایکڑ پراھ ئُُ شائیگانیں ڈگار ئَ کشت ئُُ کشاری ئِ ھاترا آپ ئِ پجاری کنگ بیت۔
