اسلام آباد۔14فروری ( اے پی پی ) صدر ممنون حسین ئَ گشتگ کہ راج سلاھ بندیں پولیس اہلکار ءُ لس مھلوک ئِ وامدار اِنت کہ آ ناشرکاری ءُ بیم کاری ءِھلاپ ئِ جنگ شہید بوتگ اَنت آھانی قربانی بے ھا ل کنگ نہ بنت۔ لاہور ئَ ناشرکاری ئِ وئیل ئَ گران نیادیں جانانی تاوان بوھگئِ سرئَ دل ئِ جہلانکی ئَ دلپدریئِ درشانی کتگءُ صدرئَ گشتگ کہ سرجمیں راج ملوریں ھاندانانی گم ءَ ھوار اِنت ءُ اے وڑیں لگوریں اُرشاں چہ راج ئِ ھوسلہ کم نہ بیت۔ ریاست ئِ ھمک ادارگ ءُ سرجمیں راج ناشرکاری ئِ ھلاسی ئِ ھاترئَ مھکم اَنت ءُ آپریشن ضرب عضب ایشیءَ را گڑی آسر ئَ سر کنگ ئَ تاں جاری بیت۔ ناشر کاری ئِ لعنت ئِ ھلاسیئِ ھاترئَ اے راجی جدوجہد ئِ تہا سرجمیں راج، پولیس، پاک فوج ءُ کانود نافذ کنوکیں ادارگ آنی گوما ھم کوپگ اَنت۔ صدر ئَ اے ھیالانی درشانی سئے شمبے ئِ روچئَ ایوان صدر ئَ فیڈرل بورڈ آف انٹرمیڈیٹ اینڈ سیکنڈری ایجوکیشن ئِ 32می سالانہ ایوارڈز ئِ بھرءُ بانگ ءِ مراگش ئَ تران کنانئَ کتگ۔
