چیف جسٹس آف پاکستان جسٹس میاںثاقب نثار نا لاہور اٹی دہشت گرد جلہو نا ترندی اٹ مذمت، شہید مروک آتا خاہوت آتون ہڑزخواہی نا درشان

اسلام آباد۔ 14 فروری (اے پی پی) چیف جسٹس آف پاکستان جسٹس میاں ثاقب نثارلاہور اٹی دہشت گرد جلہو نا ترندی اٹ مذمت ئِ کرینے ہراٹی پولیس کمامدار و کارندہ غاتون اوار کیہی نہادی انسانی جانک زیان مسوسر۔ چیف جسٹس تینا کلہو اٹی دہشت گرد جلہو اٹی شہید مروک آتا خاہوت آتون ہڑزخواہی کرے و ٹھپی مروک آتا زوت دُراخی کن دعا ہم کرے۔