کوئٹہ۔ 14 فروری (اے پی پی) ڈی پی او قلعہ سیف اللہ منظور احمد بلیدی پارینے کہ مچ آ ضلع ٹی امن و ایمنی نا حالیت آتے گچین جوڑ کننگ والس ئِ رکھ تننگ پولیس نا زمواری ئِ، ڈوہدار بندغ آتا برخلاف گھیرائِ تنک کننگ انگ ئِ ، ہچ گہس ئِ امن و ایمنی ئِ خراب مننگ کن موکل تفننگک، تدوک آ نن لورالائی پولیس تون اوار چھاپہ خلسا دوہرے خون اٹی اوار دوبہ دار نورمحمد ئِ دزگیر کریر دوبہ دار کیہی سال مست تینا چچا زاد ایلم ، ایلم ، زائیفہ نا خون ئِ کننگ آن پد اوغانستان آ نراسس ہرادے پولیس بروخت کارروائی کرسا دزگیر کرینے، دوبہ دارآن جاست وپاست برجاہ ئِ، داخیال آتا درشانی ئِ او ”اے پی پی“ تون ہیت وگپ کرسا کرے۔ ڈی پی او قلعہ سیف اللہ پارے کہ مچ آ ضلع ٹی پولیس نا گشت اٹی دے و نن ودکی کننگانے تانکہ ناخوشگوار واقعہ مفئے، علاقہ ٹی امن وایمنی بحال کننگ پولیس نا اولین زمواری ئِ ڈوہدار بندغ آتا برخلاف کارروائی کننگ انگ ئِ، ہچ گہس ئِ کانود دوٹی ہلنگ کن الیپنہ، شاری تا رکھ اکن پولیس غٹ وسیلہ غاتے کاریم اٹ اتنگ ئِ۔ ڈوہدار بندغ آک ہچ ئُ رعایت اسے نا حقدار افس، اوفتے کانود نا رداٹ سزا ایتنہ۔ اوپارے کہ تدوک آ دے لاہور و کوئٹہ ٹی دھماکہ آن پد مچ آ ضلع ٹی ناخوشگوار واقعہ غاتون مون تننگ کن پولیس ئِ ہائی الرٹ کننگانے۔
