اسلام آباد۔ 14 فروری (اے پی پی) وزیر مملکت تعلیم، تربیت و داخلہ انجینئر محمد بلیغ الرحمان پارینے کہ پی ایس ایل نا فائنل نا فیصلہ ئِ سجفسا کننگک، دہشت گرد کارروائیک ملک دشمن عنصر آتا کارستانی ئِ، اسہ چمب اسے ہم سرسہب مننگ کن الیپنہ۔ سے شنبے آ او قومی فورم غیر رسمی تعلیم نا بنائی دود آن پد میڈیا تون ہیت وگپ کریکہ۔ داوخت آ اوپارے کہ ننا سیکورٹی ادارہ غاک بے پناہ قربانی آن پد بھلو حد اسسکان دہشت گردی نا مون ئِ تورینو۔ دھماکہ غاتا کچ اٹی نمان کمتی مسنے۔ اوپارے کہ دہشت گردی نا ساڑی آ واقعہ غاک ملک دشمن عنصر آتا کارستانی ئِ۔ اسہ چمب اسے ہم سرسہب مننگ کن الیپنہ۔ اسہ سوج اسے آ اوپارے کہ پی ایس ایل نا فائنل نا فیصلہ ئِ سجفسا کننگک۔ اوپارے کہ غیر گوازی گرو ایلو بندغ آتے پورو رکھ تننگک۔ ملک اٹی سیکورٹی نا حالیت آتیٹی نمان گچینی بسنے۔ لاہور دھماکہ کون آ واقعہ غاک ننا عزم ئِ نزور کننگ کپسہ۔ پیشن نا ملک اٹی پاکستان نا تشخص اٹی نمان گچینی بسنے۔ درملکی زرکارآک پاکستان اٹی زرکاری ئِ اولیت تننگ ئُ۔
