اسلام آباد۔13فروری ( اے پی پی ) صدر ممنون حسین ئَ گشتگ کہ مھلوکانی شکایت آں زوتاں چہ زوت گیش ءُ گیوارکنگ ئَ نہ تنا مردمانی جیڑھ گیش ءُ گیوار بنت بلکیں حکومت ءُ اُلسئِ درنیامئَ بھروسہ ودی بیت کہ ریاست ئِ مھکمی ئِ ھاترئَ پاھدگ مند بیت۔ اُلس ئِ جیڑھ ءُ جنجالانی گیش ءُ گیواری جوانیں نظم ءُ نسق ئِ ضمانت اِنت ۔ صدر ئَ اے گپ دوشمبے ئِ روچ ئَ ایوان صدر ئَ بنجاھی انشورنس متحسب (ایف آئی او ) محمد رئیس الدین پراچہ ئِ گوما گندءُ نند ئِ تہا کتگ۔ اے موھئِ سرئَ بنجاھی انشورنس متحسب ئَ صدر ممنون حسین ئَ وتی ادارگ ئِ سالانہ رپورٹ 2015۔16ھم پیش کتگ۔ صدر ئَ گشتگ کہ بنجاھی انشورنس محتسب ئِ بنکی کرد کانودئِ ردئَ انشورنس کمپنی ءُ پالیسی ہولڈرز ئِ درنیامئَ جیڑھ ءُ جنجالاناں گیشءُ گیوار کنگ ءُ وتی پیسلہ آنی سرئَ عملدرآمد کنگ۔ آئی ئَ ادارگئَ را گیش مھکم ءُ اثر مند کنگئِ ھاترئَ کانودی جیڑھ ءُ جنجالاناں گیش ءُ گیوار کنگئِ سرئَ زور پِر داتگ´ صدر ممنون حسین ئَ سکیورٹی اینڈ ایکسچینج کمیشن آف پاکستان ، انشورنش ایسوسی ایشن آف پاکستان ءُ اُلس ءِ شکایات آنی زوتاں چہ زوت گیش ءُ گیواری ئِ ادارگ ئِ درنیام ئَ یک اثر مندےں نظامے ءِ ضلورت ئِ سرئَ زور پِر داتگ۔ صدر ئَ گشتگ کہ ایف آئی او محتسب ئِ میاں اوستمانی ادارگ آنی تجروبت ءُ جاری نوکیں پٹ ءُ پول ئَ چہ پاھدگ چست کنگ ئَ اِنت۔
