اسلام آباد۔ 13فروری ( اے پی پی) پاکستان سٹاک ایکسچینج ( پی ایس ایکس) دگنیا ئِ پنچمی شریں سٹاک مارکیٹ جوڑ بوتگ انت۔ پاکستان ئَ امنئُُ ایمنی ئِ جاورال ئَ شر تری ئَ معاشی دیمروی ئُُ جمہوریت ئِ محکمی ئَ کمک بہ رسیت چوشکہ گریبی ئَ کمی ئَ نیامی طبقہ ئِ کساس ئَ زیات بوھگ ئَ انت ۔ وال سٹریٹ جنرل ئِ رپورٹ ئِ ردا پاکستان سٹاک ایکسچینج ئَ ھندی ئُُ ڈنی سرمایہ کاری 100ارب ڈالر ئَ سر بوتگ انت۔ پی ایس ایکس 50ہزار انڈیکس ئِ ریکارڈ ئَ سر بوتگ انت۔ رپورٹ ئِ ردا پی ایس ایکس دگنیا ئِ پنچمی مزنیں سٹاک مارکیٹ جوڑ بوتگ انت۔ ہمے وڑ ئَ پاکستان ئِ جی ڈی پی گروتھ گوستگیں ہشت سال ئِ برز تریں پڑئَ پنچ درصد ئَ زیات بوتگ بوتگ انت چوشکہ رواں سال شرح نمو ئَ 5.4درصد زیات بوھگ ئِ امیت انت۔ وال سٹریٹ جنرل ئِ ردا سی پیک ، بنیاتی ڈھانچہ ئُُ توانائی ئِ مزنیں منصوبہ ئِ وجہءَ پاکستان ئِ معاشی دیمروی ئَ ھاسیں اضافہ بوتگ انت۔ ڈن ملک ھستیں پاکستانی آنی معاشی دیمروی ئَ ھاسیں اضافہ بوتگ انت۔ سوئٹر لینڈ ئِ معروف کمپنی ئِ چیف ایگیکٹو برونواولیز ہوک ئَ وتی یک بیان ئَ گشتگ انت کہ پاکستان ئَ نیامی طبقہ ئِ کساس ئَ زیات بوھگ ئِ وجہءَ گوستگیں پنچ سال ئِ وھد ئَ کمپنی ئِ سیلز ئَ دو گنا زیات بوھگ ئَ اےشی ئِ حجم یک ارب ڈالر ئَ سر بوتگ انت۔ آئی ئَ گشتگ کہ دگنیا ئِ دومی ملک آنی مقابلہ ئَ پاکستان ئَ معاشی دیمرویئُُ سیاسی محکمی ئِ وجہ ئَ نیامی کلاس ئِ روز پہ روچ زیات بوھگ ئَ انت۔
