صوبہ نا بابت معاملہ غاتیا سرجم گپ و تران ، گورنر کراچی ٹیی بنجائی حکومت نا فنڈ آن جاری ڈٹ آتیا پیش رفت آن معلومدار کرے کراچی ۔ 21اکتوبر (اے پی پی) وزیراعظم عمران خان تون گورنر سندھ عمران اسماعیل دوشنبے نادے آ اوڑدہی کرے و اوڑتون صوبہ نا بابت چندی معاملہ غاتیا سرجم گپ و تران کرے ۔ گورنر سندھ وزیراعظم ءِ صوبہ و کراچی ٹی بنجائی حکومت نا …
وزیراعظم عمران خان تون گورنر سندھ عمران اسماعیل نا اوڑدہی
گیشتریں ھال
صوبہ نا بابت معاملہ غاتیا سرجم گپ و تران ، گورنر کراچی ٹیی بنجائی حکومت نا فنڈ آن جاری ڈٹ آتیا پیش رفت آن معلومدار کرے
کراچی ۔ 21اکتوبر (اے پی پی) وزیراعظم عمران خان تون گورنر سندھ عمران اسماعیل دوشنبے نادے آ اوڑدہی کرے و اوڑتون صوبہ نا بابت چندی معاملہ غاتیا سرجم گپ و تران کرے ۔ گورنر سندھ وزیراعظم ءِ صوبہ و کراچی ٹی بنجائی حکومت نا کنڈآن تروک آ فنڈ آن جاری ڈٹ آتیا پیش رفت آن معلومدار کرے ۔ گورنر وزیراعظم ءِ سیاسی حالیت و سندھ اٹی صوبہ نا معاملہ غاتا بابت اپوزیشن جماعت آتا نقطہ نظر نا بارواٹی ہم معلومدار کرے ۔ اوڑدہی ٹی چندی سیاسی جماعت آتون اشتراک کار نا معاملہ غاہم گپ و تران کننگا ۔ گورنر سندھ و پاکستان تحریک انصاف نا ہندی سرکڑدہ غاتون اوڑدہی تیان پد وزیراعظم تون ایم کیو ایم و گرینڈ ڈیموکریٹک الائنس (جی ڈی اے) نا ڈل آتا ہم اوڑدہی مریک ۔
