لاہور۔4اکتوبر (اے پی پی): مزن وزیر محمد شہباز شریف ءِ ہدایت ءِ رد ءَ سومالیہ ءَ بیران ءُ ٹپیگیں پاکستانی آنی جان سلامتی ءَ واتر کنگ ءِ واستہ ترندیں گامگیج چست کنگ بوت۔ چار ٹپیگیں پاکستانی شہری عثمان غنی، عقیل خان، امین بن شمس ءُ یاسر خان ایتھوپین ایئر لائنز ءِ بالی گراب ای ٹی 694 ءَ چہ کراچی ءَ دیم دیگ بوتگ انت۔ مزن وزیر کارگس ءِ میڈیا ونگ …
مزن وزیر محمد شہباز شریف ءِ ہدایت ءِ سرا سومالیہ ءَ بیران ءُ ٹپیگیں پاکستانیانی ایمنیں وطن ءَ واتر کنگ ءِ ھاتر ءَ گامگیج چست کنگ بوتگ
گیشتریں ھال
لاہور۔4اکتوبر (اے پی پی): مزن وزیر محمد شہباز شریف ءِ ہدایت ءِ رد ءَ سومالیہ ءَ بیران ءُ ٹپیگیں پاکستانی آنی جان سلامتی ءَ واتر کنگ ءِ واستہ ترندیں گامگیج چست کنگ بوت۔ چار ٹپیگیں پاکستانی شہری عثمان غنی، عقیل خان، امین بن شمس ءُ یاسر خان ایتھوپین ایئر لائنز ءِ بالی گراب ای ٹی 694 ءَ چہ کراچی ءَ دیم دیگ بوتگ انت۔ مزن وزیر کارگس ءِ میڈیا ونگ ءِ نیمگ ءَ چہ جاڑی بوتگیں بیان ءِ رد ءَ ھمے بالی گراب ءَ چہ سئے بیران بوتگیں پاکستانی رفیول اللہ خان، سید کاشف عمر ءُ محمود احمد انصاری ءِ لاش ھم کراچی ءَ سر بوھگ ءَ اَنت۔ ایتھوپین ایئر لائنز ءِ بالی گراب ای ٹی 694 مرچی پاکستان ءِ بنجاہی وھد ءِ رد ءَ شپ ءِ چار ءُ چار ءَ کراچی ءَ سر بیت۔ ایتھوپیا ءَ پاکستان ءِ سفیر عاطف عزیز ءُ جیبوتی ءَ پاکستان ءِ سفیر اقصی نواز ءَ ٹپیگیں پاکستانی ءُ لاش ادیس ابابا بالی پٹ ءَ کراچی ءَ دیم داتگ اَنت۔ مزن وزیر محمد شہباز شریف ءَ وت پاکستانی شہری آنی وطن ءَ واتر کنگ ءِ عمل ءِ سر ءَ مدام نگرانی کتگ۔
