جوائنٹ ایکشن کمیٹی ءُ پی ٹی آئی ءِ تہا بازیں چیز یک انت، طلال چوہدری

اسلام آباد۔ 4اکتوبر (اے پی پی): تہی کارانی وزیر مملکت طلال چوہدری ءَ گشتگ کہ جوائنٹ ایکشن کمیٹی ءُ تحریک انصاف ءِ نیام ءَ بازیں چیز یک انت۔ پی ٹی آئی ءِ لانگ مارچ ءِ روچ ءَ جوائنٹ ایکشن کمیٹی ءَ ھم زھرشانی ءِ لوٹ کتگ ءُ گْوشتگ کہ ھمساھگیں ملک وتی پراکسی ءِ وسیلگ ءَ پاکستان ءَ بے رھبند کنگ لوٹ اِیت۔ یک شمبے ءِ روچ ءَ پریس کانفرنس ءَ گوں تران کنان ءَ وزیر ءِ تہی کار ءَ گوشت کہ لھتیں روچ پیسر یک انچیں گلے ءِ ھوالگ ءَ میڈیا ءَ را راستی پیش کنگ بوتگ کہ آئی ءَ ناجائزیں رنگ ءَ ھمساھگیں ملک ءَ چہ پاکستان ءَ سلاہ آؤرتگ ءُ ملک ءِ لھتیں گل آناں سپلائی کتگ۔ مرچی ھمے معاملہ ءِ پٹ ءُ پول ءِ آیوکیں بھر ءَ گیشتر دزگیر کنگ بیتگ اَنت ءُ گیشتر فون ءُ دگہ شواہد ھم دیم ءَ اتکگ اَنت۔ طلال چوہدری ءَ گوشت کہ جوائنٹ ایکشن کمیٹی کشمیر ءَ زھرشانی ءِ واستہ ھما روچ ایر کتگ کہ تحریک انصاف ءَ لانگ مارچ ءِ واستہ ایر کتگ ات۔ دوئیں ءُ دگہ بازیں جیڑہانی احتجاج ءِ رھبندانی تہ ءَ یکّی ھست۔ تحریک انصاف ءِ گوما دراجیں گپ ءُ تران ءَ پد ہم معاملہ سوب مند بوت نہ کنت ۔ وزیر داخلہ پریس کانفرنس ءَ اے درگت ءَ راستی، پسہ ءُ دگہ ھالاں پیش کنت تانکہ اے گپ زانگ بہ بیت کہ خیبر پختونخوا حکومت صوبہ ءِ تہ ءَ ناامنی ءَ چہ وتی سیاسی مفاد آنی واستہ پائدگ چست کنگ ءَ اِنت ءُ وتی آئینی ءُ قانونی، آئینی ذمہ واری آناں پیلو کنگ ءِ بدل ءَ سیاسی مول ءُ مراد آنی واستہ کارمرد کنگ ءَ اِنت۔ آئی ءَ گوشت کہ تحریک انصاف ءِ لانگ مارچ ءِ روچ ءَ جوائنٹ ایکشن کمیٹی ءَ ھم زھرشانی ءُ ہڑتال ءِ کال داتگ ات ایشی ءَ را کشمیر ءِ الس ءَ سرجم ءَ رد کتگ ات۔ ھمے رنگ ءَ آزات کشمیر ءُ کشمیر ءِ لس مھلوک ءَ گچینکاری ءَ بھر زورگ ءَ چہ مکن کنگ ءُ وتی پیسلہ کنگ ءَ چہ زبھر کنگ ءِ سئے پڑانی تہ ءَ کوشست کنگ بوت، بلے ھر سئیں پڑانی تہ ءَ مزنیں کساسے ءَ مردماں گچینکاری ءِ عمل ءَ بھر زورگ ءَ چہ اے بانگ ءُ کمپین رد دات۔ وزیر ءِ مملکت ءَ گوشت کہ اے کوشست ایش بوتگ کہ یک وڑے ءَ کشمیر ءِ اُلس آناں وتی پیسلہ کنگ ءَ چہ مکن کنگ بہ بیت ءُ دگنیا ءَ را اے سما دیگ بہ بیت کہ کشمیری آنی پیسلہ آناں دگہ کسے کنگ ءَ اِنت۔ ایشی ءِ ہواری ءَ آزات کشمیر ءَ را مقبوضہ کشمیر ءِ جاوراں گوں ہمگرنچ کنگ ءِ ہم کوشست کنگ بوت بلے اے ہم بے سوب بوت۔ آئی ءَ گوشت کہ اولی روچ ءَ چہ گشگ بوھگ ءَ انت کہ اے ایوک ءَ سیاسی چست ءُ ایر نہ انت۔ ہمساہگیں ملکاں وہدے مستقیم گامگیج چست کتگ گڑا آہاں دو سال پیسر ءِ شکست شموشتگ نہ انت۔ ہمے سبب انت کہ پاکستان ءِ حلاف ءَ پراکسی ءِ تہا سرمایہ کاری گیش کنگ بوتگ۔ پاکستان ءِ مغربی سیمسر ءِ سرا پراکسی، آہانی پناہ گاہ، تربیتی مراگش ءُ دگہ نیٹ ورکاں کارمرز کنان ءَ ملک ءَ بے رھبند کنگ ءِ کوشست کنگ بوتگ۔ طلال چوہدری ءَ گشتگ کہ اگاں اے پراکسیانی سیاسی مردم، گل یا سیاسی گلانی تہا مردمانی گوما سیادی است انت گڑا اے جُست پاد کیت کہ آیا سیاسی مردم ہمے عناصراں کارمرز کنگ ءَ انت یا بے رھبند کنوکیں عناصر ءُ پراکسی سیاسی مردماں پہ وتی مکسداں کارمرز کنگ ءَ انت۔ آئی ءَ گوشت کہ یکجائی ایکشن کمیٹی ءِ ھوالگ ءَ جتاجتائیں جیڈھ آنی دیم ءَ آرگ ءَ پد زیا نامیں مردمے دزگیر کنگ بوتگ، آ گوستگیں 8 سال ءَ چہ ناجائزیں سلاھانی سوداگری ءَ گوں ھوار بوتگ۔ پٹ ءُ پول ءِ رِد ءَ اے ھشتیں سالانی تہ ءَ سردار امان ءُ آئی ءِ نزّیکیں ھمراھ مجید ءَ گوں آئی ءِ رابطہ جوڑ بیتگ اَنت۔ وزیر مملکت ءِ رد ءَ ضیاء ءَ سلاہانی پرمان داتگ، سلاہ اوگانستان ءَ زرگھون نامیں مردمے ءَ چہ زرتگ اَنت کہ چہ اودا پاکستان ءِ قبائلی دمگاں سر بوتگ۔ پد ءَ اکبر نامیں سرکاری کارندہے ءَ چہ آئی ءِ کار ءَ پائدگ چست کت ءُ اے سلاہ کشمیر ءَ سر کت انت۔ وہدے اے گپ دیم ءَ اتک انت گڈا پریس کانفرنس ءِ وسیلگ ءَ ایشی ءِ تفصیل میڈیا ءِ دیما ایر کنگ بوت۔ ایشی ءَ چہ پد گیشیں پٹ ءُ پول کنگ بیتگ ءُ دگہ سئے مردم دزگیر کنگ بیتگ۔ طلال چوہدری ءَ دعویٰ کتگ کہ دزگیر کنگ ءَ پیسر سردار امان وتی پریشانی ءِ درشان کنگ ءَ ات ءُ دزگیریں مردم ءَ را طبی ءُ ذہنی رد ءَ نا لائک ثابت کنگ ءِ کوشست کنگ بوتگ دانکہ اے معاملہ ءِ ذمہ واری آئی ءَ سر مہ بیت۔ آئی ءَ گوشت کہ دزگیریں مردم ءِ ذہنی نادراہ بوھگ ءِ ثابت کنگ ءِ واستہ جتاجتائیں مردم، ڈاکٹر ءُ اے دگہ مردماں رابطہ کنان ءَ گوستگیں تاریخ آنی تہ ءَ میڈیکل سرٹیفکیٹ تیار کنگ ءِ کوشست کنگ بوتگ۔ وھدے کہ اے کوشست بے سوب بوت گڑا آئی ءِ لوگ ءِ مردمانی سر ءَ زور دیگ بوت کہ آ میڈیا یا سوشل میڈیا ءَ بیا اَنت ءُ آئی ءَ را ذھنی رد ءَ نا لائک لیک اَنت۔ وزیر ءِ مملکت ءَ گوشت کہ یک نیمگ ءَ اے کوشست برجا اَنت، دومی نیمگ ءَ کشمیر ءَ گوستگیں ھشت سال ءَ سلاہ پھلائینگ ءَ یک مردمے ءِ دزگیر کنگ ءَ پد ھم ایندگہ مردمانی وسیلگ ءَ سلاہ پھلائی ءَ برجاہ دارگ ءِ کوشست کنگ بوتگ۔ آئی ءَ گْوشتگ کہ ھر وھد ءَ کالے کیت پد ءَ زورگ بیت کہ سیکورٹی فورسز ءَ تیرگواری کتگ ءُ ایشی ءِ آسر ءَ مردم بیران بوتگ اَنت۔ اگاں سیکورٹی فورسز ءَ بے فرقیں وڑے ءَ زور کارمرز کنگ لوٹ اِتگ گڑا زھرشانی ءُ دھرنا ءِ وھد ءَ کہ نزیک ءَ 120 روچ اِنت ، ھاسیں رنگ ءَ شپ یا شپ ءَ کہ تھنا لھتے مردم ھست اَنت ، چہ اودا در کنگ گران نہ بوتگ ۔ طلال چوہدری ءَ گشتگ کہ تاں روچ ء مرچی سیکورٹی فورسز ءَ زور ءِ کارمرز کنگ ءِ تہا پہل نہ کتگ۔ پیسر ءَ اے ھم ھال شنگ بوتگ اَت کہ زھرشانی ءِ وھد ءَ اسنائپر رائفل ءُ آٹومیٹک سلاہ کارمرد کنگ بیگ ءَ اَنت۔ اگدہ دار ءِ ٹپی یا شہادت ءِ وھد ءَ تیر ءِ دروشم ءُ تیرگواری ءِ زاویہ چہ پوسٹ مارٹم ءَ زانگ بیت۔ آئی ءَ گوشت کہ اسنائپر رائفل ءُ آٹومیٹک سلاہ آنی کارمرد کنگ ءِ ویڈیو ھم میڈیا ءِ دیما پیش کنگ بوتگ۔ وزیر مملکت ءَ گوشت کہ پیسر ءَ زھرشانی ءِ وسیلگ ءَ گچین کاری ءِ دارگ ءِ کوشست کنگ بوتگ بلے اے کوشست سوب مند نہ بوتگ۔ اولی بھر ءَ میر پور ءُ آزات کشمیر ءِ لکھاں مردم ووٹ دیگ ءِ واستہ وتی گس ءَ چہ دراتکگ اَنت۔ ھمے روچ ءَ اے عمل ءَ را پسہ ءَ ایر کنگ بوت۔ مشترکہ ایکشن کمیٹی ءُ پی ٹی آئی ءِ تہا بازیں چیز یک انت۔