مزن وزیر شہباز شریف ءَ وفاقی وزیر داخلہ محسن نقوی ءَ گوں آئی ءِ گس ءَ گند ءُ نند کت، ناکو اکمل حسین نقوی ءِ بیرانی ءِ سر ءَ دلپدردی درشان

لاہور۔4اکتوبر  (اے پی پی): مزن وزیر محمد شہباز شریف ءَ یک شمبے ءِ روچ ءَ وفاقی تہی کارانی وزیر محسن نقوی ءَ گوں آئی ءِ گس ءَ گند ءُ نند کتگ ءُ ناکو اکمل حسین نقوی ءِ بیرانی ءِ سر ءَ دلپدردی ءِ درشانی کتگ۔ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ مزن وزیر ءَ محسن نکوی ءِ ناکو اکمل حسین نکوی ءِ بیرانی ءِ سر ءَ دلپدردی ءِ درشانی کتگ۔ مزن وزیر ءَ بیران بوتگیں مردم ءِ واستہ فاتحہ پیش کتگ ءُ آئی ءِ برز کنگ ءِ واستہ دعا کتگ۔ گند ءُ نند ءِ ساھت ءَ تہی کارانی وزیر ءَ مزن وزیر ءَ را گوستگیں شپ ءَ بوتگیں ھاسیں گپ ءُ تران ءُ آھانی دیمروئی ءِ ھوالگ ءَ سرجمیں بریفنگ ھم دات۔