تحریک انصاف ءِ گوما گپ ءُ تران ھلاس بیت، اسلام آباد ءِ سر ءَ چھاپہ ھچ وڑیں جاوراں برداشت کنگ نہ بیت، محسن نقوی

لاہور۔4اکتوبر  (اے پی پی): وفاقی داخلہ ءِ وزیر محسن نقوی ءَ گشتگ کہ پاکستان تحریک انصاف ءِ گوما گپ ءُ تران ھلاس بوتگ انت، حکومت 9 مئی ءِ وڑیں وئیلاں پدا بوھگ ءِ موہ نہ دنت، خیبر پختونخوا ءِ سر وزیر ھم اے سرجمیں معاملہ ءِ ھراب کنگ ءِ ذمہ وار انت، اگاں خیبر پختونخوا ءِ یک مردمے ھم پدر بہ بیت۔ ایشی ئے ذمہ وار انت۔ یک شمبے ءِ روچ ءَ قذافی اسٹیڈیم ءَ پریس کانفرنس ءَ گوں تران کنان ءَ آئی ءَ گوشت کہ حکومت ءُ پاکستان تحریک انصاف ءِ نیام ءَ گپ ءُ تران یک پہ یک ءِ جاور ھال ءَ سر بوتگ بلے خیبر پختون آباد ءِ سر وزیر ءِ بار بار ڈرافٹ معاہدے ءِ تہ ءَ بدلی آرگ ءِ سبب ءَ چیز ھراب بوتگ انت۔ ہر وڑیں جاوراں بہ بیت۔ آئی ءَ گوشت کہ صدر ءِ مملکت ءُ مزن وزیر سرجمیں رنگ ءَ رابطہ کاری ءَ انت۔ آئی ءَ گڈی مسودہ پاکستان ءِ صدر ءَ پیش داشتگ ات بلے واتر بوھگ ءَ پد اے گپ پدر بوت کہ خیبر پختونخوا ءِ سر وزیر ءَ ایشی ءِ تہا بدلی آورتگ۔ درستیں جیڑھ یک یک ءَ گیش ءُ گیوار کنگ بوت اَنت بلے پد ءَ مسودہ ءِ تہ ءَ گیشتر بدلی لوٹگ بوت ءُ مسودہ چار رند ءَ بدل کنگ بوت۔ آئی ءَ گوشت کہ گپ ءُ تران ءِ عمل ءَ علامہ ناصر عباس، اسد قیسر، بیرسٹر گوہر ءُ عامر ڈوگر ءَ گوں جوانیں نیت ءَ کوشست کتگ بلے بدبھتی ءَ وتی جند ءِ پارٹی ءَ گپ ءُ تران ءَ سبوتاژ کنگ ءِ کوشست کتگ۔ اگاں پیسلہ خیبر پختونخوا ءِ سر وزیر ءَ کنگ بوتگ انت گڑا آئی ءَ وت گپ ءُ تران ءَ ہوار بوہگی ات۔ محسن نقوی ءَ گوشت کہ دو روچ پیسر آئی ءَ بیرسٹر گوھر ءَ را گوشتگ ات کہ آ خیبر پختونخوا ءِ سر وزیر ءِ نمائندہ ءَ را روان بہ دنت تانکہ آ گوں آئی ءَ ناشرکاری ءِ ھوالگ ءَ صوبگ ءَ استیں جیڈھ آنی بابت ءَ گپ ءُ تران بہ کنت۔ خیبر پختونخوا ءِ سر وزیر ءَ گوں گپ ءُ تران ءَ پد سیادی داروکیں مردم واتر بوتگ انت بلے ایشی ءَ پد ھم مسودہ ءِ تہ ءَ بدلی دیم ءَ آیگ برجاہ بوتگ انت۔ خیبرپختونخوا ءِ سر وزیر گپ ءُ تران ءِ واستہ گوانک جتگ بلے آ نیاتکگ ۔ وفاقی تہی کارانی وزیر ءَ گوشت کہ اگاں سرکار ءَ اے گپ سرپد بوتیں کہ اپوزیشن کمیٹی ءِ تہ ءَ ھچ مردم نیست کہ آئی ءِ گور ءَ خیبر پختونخوا سرکار ءِ مینڈیٹ بہ بیت گڈا گپ ءُ تران نہ بوتگ ات۔ آئی ءَ گوشت کہ حکومتی باسک آں ھم نیک نیتی ءَ گوں جیڈھ ءِ گیواری ءِ کوشست کتگ ءُ ایشی ءِ واستہ حکومتی ٹیم ھم کریڈٹ ءِ مستحق انت۔ آئی ءَ گوشت کہ گپ ءُ تران ءِ تہ ءَ شش ءُ ھپت نکات بوتگ ءُ ایشانی تہ ءَ یک نکتے ھم سیاست ءَ گوں ھمگرنچ نہ اِنت۔ درستیں جیڈھ ناشرکاری ءَ گوں سیادی دارگ ءَ بوتگ اَنت۔ سرکار ءِ لوٹ اِنت کہ خیبر پختونخوا ءَ ناشرکاری ءِ ھلاپ ءَ درست یکجاہ بہ بنت ۔ چوش ھم نہ بیت کہ صوبہ ءِ تہ ءَ ناشرکاری برجاہ بہ بیت ءُ صوبہ سرکار ءِ وزیر فوج ءِ ھلاپ ءَ بیان بہ دنت یا شھیدانی جنازہ ءَ ھوار مہ بنت ۔ محسن نقوی ءَ گوشت کہ حکومت ءِ نیمگ ءَ شکایت است انت کہ بنجاہی تک ءَ ناشرکار آنی کمک کنگ بوھگ ءَ انت، ایشی ءِ پٹ ءُ پول ءُ گیواری ءِ ضلورت انت۔ آئی ءَ گوشت کہ خیبر پختونخوا ءِ بنجاھی وزیر شپ ءِ 9:15 ءَ سرگرم بوت، یک رندے بدلی جست کنگ بوت ءُ دومی رند ءَ بدلی کنگ بوت، ایشی ءِ مول ءُ مراد چے بوتگ، اے ھاسیں جست انت ۔ آئی ءَ گوشت کہ گپ ءُ تران ءِ وھد ءَ بنجاھی وزیر ءِ گوما ھواریں مردماں ھم لھتیں نکات آنی سر ءَ گپ ءُ تران کنگ ءَ انکار کتگ۔ وفاقی وزیر داخلہ ءَ اے گپ ءِ پدر کنگ ءَ گشتگ کہ حکومت ءِ نیمگ ءَ لانگ مارچ ءِ مہتل کنگ ءِ ہچ وڑیں لوٹ کنگ نہ بوتگ بلے پاکستان پیپلز پارٹی ءَ آئی ءَ را لانگ مارچ ءِ مہتل کنگ ءِ لوٹ کتگ۔ آئی ءَ گوشت کہ سرکار ءَ پیسر ءَ چہ اے گپ پدر کتگ ات کہ اگاں لانگ مارچ بندات بوت گڈا گپ ءُ تران ھلاس بنت۔ آئی ءَ گوشت کہ ھرکس ءَ را زھرشانی کنگ ءِ ھک است انت بلے اسلام آباد ءِ سر ءَ اُرش کنگ ءِ موہ دیگ نہ بیت۔ اگاں پہ دھرنا ءَ جم بوھوکیں مردماں کانود ءُ آمید گس ءِ پرمان ءِ ھلاپ ورزی کت گڈا آھانی حلاف ءَ کارروائی ءُ مقدمہ بندات کنگ بیت۔ وفاقی وزیر داخلہ ءَ گوشت کہ لانگ مارچ ءِ واستہ چونیں تیاری کنگ بوھگ ءَ انت حکومت زانت۔ اے ممکن نہ انت کہ صوبائی حکومت چہ طاقت ءَ پائدگ چست بہ کنت ءُ وتی مرضی ءَ ہما گامگیج بہ زوریت کہ ریاست ءِ مفاد ءِ ھلاپ بہ بنت۔ آئی ءَ گوشت کہ صدر ءُ مزن وزیر ءَ را گوستگیں شپ ءَ جاور ھال آنی بابت ءَ سرپد کنگ بوتگ ءُ آیوکیں وھد ءَ دوئیں یکجائی ءَ پیسلہ کن اَنت۔ محسن نقوی ءَ گوشت کہ گوستگیں دو روچ ءَ سرکار ءُ گپ ءُ تران ٹیمب ءَ اے جیڈھ ءَ را نیک نیتی ءَ گوں گیواری ءِ کوشست کتگ ۔ آئی ءَ گپ ءُ تران ءِ تہ ءَ نیک نیتی ءِ کرد ءِ سر ءَ علامہ ناصر عباس، اسد قیسر، بیرسٹر گوھر ءُ عامر ڈوگر ءِ منت گپت ءُ گوشت کہ اسد قیصر ءَ بنداتی وھد ءَ سک باز جوانیں پسو داتگ۔ آئی ءَ گوشت کہ حکومت لوٹ ایت کہ خیبر پختونخوا ءَ ناشرکاری ءِ ھلاپ ءَ درست یکجائی ءَ کار بہ کن اَنت، البت اے وڑیں جاور ھال آنی تہ ءَ اے گپ ممکن نہ اِنت کہ صوبہ ءَ ناشرکاری برجاہ بہ بیت ءُ صوبائی حکومت ءِ رویہ ایشی ءِ برعکس اِنت۔ آئی ءَ گوشت کہ صدر ءُ مزن وزیر ءِ نیام ءَ سرجمی ءَ رابطہ انت، کجام ھم پیسلہ کنگ بیت آ ملک ءِ جوانیں سیت ءِ واستہ بیت۔