وزیراعظم عمران خان نا جی ڈی اے نا ڈل اتون اوڑدہی ٹی گپ و تران

’’احساس‘‘ و ’’جان جوڑی انصاف‘‘ پروگرام تے سندھ انا تہہ اسکان ودفنگک

کراچی ۔ 21اکتوبر (اے پی پی) وزیراعظم عمران خان پارینے کہ ’’احساس‘‘ و ’’ جان جوڑی انصاف‘‘ پروگرام تے سندھ انا تہہ اسکان ودفنگک ۔ اوداہیت ءِ کراچی ٹی گرینڈ ڈیموکریٹک الائنس (جی ڈی اے) نا ڈل اتون اوڑدہی ٹی گپ و تران کرسا کرے ۔ دوشنبے نادے آ وزیراعظم میڈیا آفس آن جاری بیان نا رداٹ ڈل اٹی سینیٹر مظفر حسین شاہ، قومی اسمبلی نا باسک غوث بخش مہر، باسک سندھ اسمبلی سائرہ بانو، باسک قومی اسمبلی علی نواز شاہ، عبدالرزاق ، علی غلام، علی گوہر خان مہر، عارف مصطفی جتوئی، حسنین علی مرزا، محمد رفیق ، محمد راشد شاہ، محمد شہریار خان مہر، نندکمار گوکھانی ، نصرت سحر عباسی، شمس الدین ، وریام فقیر و پوسکن گچین مروک آ باسک سندھ اسمبلی معظم عباسی ئسک اوار ئسر ۔ اوڑدہی ٹی گورنر سندھ عمران اسماعیل ، بنجائی وزیر پارلیمانی امور اعظم خان سواتی، وزیر ڈٹ بندی مخدوم خسروبختیار ، وزیر بحری امور سید علی زیدی، وزیر آبی وسیلہ فیصل واوڈا، خصوصی کمکار ندیم بابر و باسک قومی اسمبلی اسد عمر ئسک ہم ساڑی ئسر ۔ اوڑدہی ٹی جی ڈی اے نا ڈل تینا حلقہ غاتے ٹی مون تروک ویل آتیان وزیراعظم ءِ معلومدار کرے ۔ داوخت آ وزیراعظم ڈل ءِ باوری کرفے کہ ’’احساس‘‘ و ’’ جان جوڑی انصاف‘‘ پروگرام تے سندھ انا تہہ اسکان ودفنگک ۔