وزیراعظم نا خصوصی کمکار جان جوڑی ڈاکٹر ظفر مرزا نا میڈیکل نا تعلیم نا بابت جہانی کانفرنس آن تران

اسلام آباد ۔ 21اکتوبر (اے پی پی) وزیراعظم نا خصوصی کمکار جان جوڑی ڈاکٹر ظفر مرزا پارینے کہ جان جوڑی انصاف کارڈ حکومت نا ویژن نا عکاس ءِ ، وزیراعظم پاکستان ءِ فلاحی ریاست اس جوڑ کننگ خواہک ۔ داخیال آتا درشانی ءِ او دوشنبے نادے آ میڈیکل نا تعلیم نا بابت جہانی کانفرنس نا بنائی سیشن آن تران کرسا کرے ۔ اوپارے کہ وزیراعظم پاکستان ءِ فلاحی ریاست اس جوڑ کننگ خواہک، حکومت خواہک کہ بلا تخصیص غٹ شاری تے جان جوڑی نا مفت آسراتی دوبرے ۔ اوپارے کہ ہمو خلقت ءِ ہم جان جوڑی نا آسراتی تننگ انگ ءِ ہرا خلقت جان جوڑی نا آسراتی تا مالی بھاریم ءِ سگنگ کپسہ، جان جوڑی انصاف کارڈ حکومت نا ہندا ویژن نا عکاس ءِ ۔