وزیراعظم نا سرسہب ورناپروگرام نا کمک اٹ وام تا دوئی کننگ کن مسہ دے اٹی 2لکھ درخواست رسینگانے

اسلام آباد ۔ 21اکتوبر (اے پی پی) وزیراعظم نا سرسہب ورناپروگرام نا کمک اٹ وام تا دوئی کننگ کن تدوک آ مسہ دے اٹی 2لکھ انا خڑک آن لائن درخواست ملانے ۔ وزیراعظم یوتھ پروگرام نا ذراءع نا رداٹ وزیراعظم عمران خان نا کنڈآن سرسہب ورنا پروگرام نا بناءِ کننگ آن پد داوخت اسکان وام تا دوئی کننگ کن 2لکھ انا خڑک ورناک کم شرح سود آ وام ہلنگ کن درخواست تسنو ۔ داپروگرام نا مسخت ورناتے برسر روزگار کرسا اوفتے اوفتا نت تیا سلفوئی ءِ ۔ ذراءع نا رداٹ داپروگرام نا رداٹ باصلاحیت ورنا انٹرپرینورز آتے کاروبار کن آسان وام تا فراوانی کن روزگار نا 10لکھ وارخواہی ودی کننگ نا ہدف مقرر کننگانے ۔ اولیکو درجہ ٹی چنکا کاروبار کن اسہ لکھ آن 5 لکھ روپئی اسکان نا وام تننگ انگ ءِ ہرافتیا 6درسد شرح سود مریک ۔ ارٹ میکو درجہ ٹی 5لکھ آن 50لکھ روپئی نا وامک اوار ءُ ۔ دافتیا شرح سود 8 درسد ءِ ۔ دا وام تے 8 سال انا مد اکن تننگ انگ ءِ ہراٹی اولیکو سال رعایتی مدانا وڑاٹ تکنگک ۔ ہنداوڑ 10 ہزار آن اسہ لکھ انا وام بے سود انا کمک اٹ وام تا فراوانی کن www;46;kamyabjawan;46;gov;46;pk تننگ انگ ءِ ۔ ذراءع نار داٹ ورناتا رجسٹریشن نا عمل برجاءِ ۔ ورناک وام و ایلو معلومداری ہلنگ کن دا ویب ساءٹ نا وزٹ ءِ کننگ کیرہ ۔