اسلام آباد ۔ 19اکتوبر (اے پی پی)مزن وزیر عمران خان ءِ ھاسیں کمکار برائے ھالرسانی ءُُ شنگکاری ڈاکٹر فردوس عاشق اعوان ءَ گوشت کہ ننداک ءِ اوٹ ءَ انتشارءِ اجازت دیءگ مہ بیت ۔ اگہ کانود دستاں زورگ بوتگ تو کانود ءِ ردا کارروائی کنگ بیت ۔ مزن وزیر ءَ ناجائز منافع خوری ءُُ ذخیرہ اندوزی ءِ ھلاسی ءِ پنت داتگ ات،مزن وزیر ءَ منڈٰیانی تاں سامان ءِ پھجارگ ءِ ھاترا مڈل مین ءِ کردءَ را ھلاس کنگ ءِ کڈنی داتگ ۔ ھپتگ ءَ پریس انفارمیشن ڈیپارٹمنٹ (پی آئی ڈی )ءِ تہ پریس کانفرنس ءَ گوں تران کنان ءَ ھاسیں کمکار ءَ گوشت کہ مزن وزیر ءَ گوستگیں روچ ءَ علماء کرام ءَ را دعوت داتگ ات ءُُ مروچی اے ھوالہ چہ میڈیا ءِ تہ گند ءُُ نند ءِ ھوالہ چہ راستی ءِ ھلاپ حال شنگ بوتگ ات ایشی ءِ پدرائی الم ات ۔ آہاں گوشت کہ مزن وزیر ءَ گران بہائی ءِ ھم نوٹس گپتگ،مزن وزیر ءَ لہتیں وزارتاں چہ گران بہائی سرا گرودارءِ ھاترا شءورءُُ صلاح لوٹ کرتگ ات ۔ آہاں گوشت کہ سندھ ءِ مہلوک صوبائی حکومت بد انتظامیءِ شکار بوھگ انت،سندھ حکومت ءَ مقررہ وھد ءِ تہ گندیم ءِ خریداری مہ کتگ، مقررہ وھد ءِ تہ گندیم بہا نہ زورگ ءِ سبب ءَ چہ سندھ ءِ تہ آرت ءِ کیمت ودک بوتگ ات ۔ مزن وزیر ءَ ای سی سی ءَ را گہتر ءُُ جامع حکمت عملی پدر کتگ،مزن وزیر ءَ آرت ءِ کیمت ءِ تہ کمی آرگ ءِ ھاترا گامگیج زورگ ءِ پنت داتگ ات ۔ مزن وزیر ءَ را سرپد کنگ بوتگ کہ کماد ءِ پورھیاگرانی وھد ءِ سرا پے منٹ کنگ بوتگ انت ۔ ھاسیں کمکار ءَ گوشت کہ مزن وزیر ءَ ناجائز منافع خوری ءُ ذخیرہ اندوزی ءِ ھلاسی ءِ کڈنی داتگ،مزن وزیر ءَ مڈٰیانی تاں سامان ءِ پھجارگ ءِ ھاترا مڈل مین ءِ کرد ءَ را ھلاس کنگ ءِ کڈنی داتگ ۔ ڈاکٹر فردوس عاشق اعوان ءَ گوشت کہ اوقاف اراضیءِ ھوالہ چہ بنجاہ ءُُ صوبگ ھواری ءَ لاحہ عمل تیار کن انت ۔ آہاں گوشت کہ ننداک ءِ اوٹ ءَ انتشارءِ ہچ اجازت دیءگ مہ بیت،اگہ کانود ءَ را وتی دستاں زورگ بوتگ تو کانود ءِ ردا کارروائی ھم بیت ۔
