مزن وزیر ءِ صلاحکار برائے ھزانگ ڈاکٹر عبد الحفیظ شیخ ءِ مراگش ءَ گوں تران

واشنگٹن ۔ 20 اکتوبر (اے پی پی) مزن وزیر ءِ صلاحکار برائے ھزانگ ڈاکٹر عبدالحفیظ شیخ ءَ گوشت کہ پاکستانی معیشت سوبمندی ءَ گوں گہبودی ءِ نیمگا روگ انت ءُُ معیشت ءِ لہتیں تبکانی تہ زرکاری ءِ لہتیں موہ ساڑی انت ایشاں چہ امریکی سرمایہ کاراں ءُُ کمپنی ءَ را نپ چست کنگ لوٹ ایت ۔ آہاں اے ھیالانی درشان یو ایس پاکستان بزنس کونسل ءِ نیمگا چہ وتی ءُُ آئی ءِ ہمبراہی ءَ پاکستان ڈلے ءِ شرپ ءِ تہ واشنگٹن ءِ تہ برج میں گول میز مراگش ءَ گوں تران کنان ءَ کتگ ات ۔ اے ڈل آئی ایم ایف ءُُ میاں اوستمانی بینک ءِ سالینہ دیوان ءِ تہ بھرزوری ءِ ھاترا آئی ءَ گوں امریکہ ءِ تہ ھوار انت ۔ ڈاکٹر عبد الحفیظ شیخ ءَ پاکستان ءِ تہ بیءپاری آسراتی ودی کنگ ءِ حکومتی کوشستانی سرا سرج میں وڈ ءَ روژنی مان کتگ ءُُ امریکی کمپنی ءُُ زرکاراں را پاکستان ءِ تہ زرکاری ءِ حجم ءَ را گیش کنگ ءِ دعوت داتگ ۔ گوم میز کانفرنس ءِ تہ ایس اینڈ پی گلوبل،پیپسی کولا، موٹرولا سلوشنز انک، سٹی، گوگل، ایکسن موبل ءُُ دیگر ملٹی نیشنل کمپنیانی اگدھ دار ساڑی ات ۔ مشیر خزانہءُُ ایشی ءِ ہمبراہ پاکستانی ڈل ءَ ایشیائی ترقیاتی بینک (اے آئی آئی بی) ءِ صدر جِن لی کون ءِ گوما ھم گند ءُُ نند کتگ ءُُ پاکستان ءِ تہ بنک ءِ پورٹ فولیو سرمایہ کاری سرا ھیال ریچی کنگ ءِ ابید معیشت ءِ اے تکانی سرا گپ کتگ ایشانی تہ بینک ءِ نیمگا چہ سرمایہ کاری ءِ امکان ساڑی انت ۔ صدر جِن لی کون ءَ پاکستان ءِ معاشی تعمیر ءُُ ترقی ءِ ایجنڈہ ءِ سرجمی ءِ ھاترا ایشین ڈویلپمنٹ بینک ءِ سرجم پلہ مرزی ءُُ کمک ءِ اعادہ کنانءَ پاکستان ءِ دیمروئی ءِ شوبگءِ تہ بینک ءِ نیمگا چہ مالی کمک گیش کنگ ءِ پیشکش کتگ ۔ ڈاکٹر عبد الحفیظ ءَ صدر جِن لی کون ءَ را پاکستان ءِ تروتاب ءِ دعوت داتگ آہاں اے دعوت قبول کتگ ۔ ڈاکٹر عبد الحفیظ شیخ ءُُ ایشی ءِ ہمبراہ پاکستانی ڈل ءَ اسلامی ترقیاتی بینک (آئی ڈی بی) ءِ صدر ڈاکٹر بندار ایم ایچ ہجار ءِ گوما ھم گند ءُُ نند کتگ ءُُ آہاں را ملکی معیشت ءِ نوکتریں جاورھال ءَ چہ سرپد کتگ ۔ ڈاکٹر عبد لحفیظ شیخ ءَ آئی ڈی بی ءِ نیمگا چہ پاکستان ءَ را مالی کمک ءِ پھجارگ ءِ سرا صدر ڈاکٹر بندار ایم ایچ ہجار ءِ منت گپتگ ات ۔ واشنگٹن ءِ تہ اوشت ءِ درگت ءَ ڈاکٹر عبد الحفیظ شیخ ءُُ ایشی ءِ ڈل ءَ آئی ایم ایف ءُُ عالمی بینک گروپ ءِ سالینہ مچی ءِ تہ ھم بھرزوری کتگ ایشی ءَ گوں میاں اوستمانی بینک ءِ صدر ڈیوڈ میل پس ءُُ آئی ایم ایف ءِ منیجنگ ڈائریکٹر کرسٹلینا جارجیوا ءَ ھم تران کتگ ۔