اسلام آباد ۔ 20اکتوبر (اے پی پی)مزن وزیر ءِ ھاسیں کمکاربرائے ھالرسانی ءُُ شنگکار ڈاکٹر فردوس عاشق اعوان ءَ گوشت کہ پاکستان ءَ را بلیک لسٹ کنائینگ ءِ بھارتی مول ءُُ مراد ھاک ءَ پُربوتگ ات ۔ یک شمبے ءَ وتی یک ٹوءٹ ءِ تہ ڈاکٹر فردوس عاشق اعوانءَ گوشت کہ ایف اے ٹی ایف ءِ منی لانڈرنگ ءُُ ناشرکاری ءِ ھلاسی ءِ ھاترا ساڑی استیں حکومت ءِ گامءَ را ساڑگ مئے حکومت ءِ کوشستانی پجار انت ۔ پاکستان اے ھوالہ گیش ءِ گامانی ھاترا پُرجزم انت ۔ ڈاکٹر فردوس عاشق اعوانءَ گوشت کہ بھارت پاکستان ءَ را بلیک لسٹ کنائینگ ءِ ھاترا کوشست ءَ کنگ ات تو دومی نیمگا مزن وزیر عمران خان وتی کوشستاں گوں پاکستان ءِ حقی ءِ شریں تشخص ءَ را دگنیا ءِ دیما آرگ ات ۔ آہاں گوشت کہ اے وھد ءَ قیام پاکستان ءِ مخالفت کنوکانی چک استحکام پاکستان ءِ منزل ءِ زورگ ءِ تہ اڑاند ءَ مان کنگ انت ۔ آہاں گوشت کہ پاکستان گرے لسٹ ءِ تہ انت ،آہاں جست برز کتگ کہ دی میں لہتیں ماہ باز ھاس انت،اے رنگیں جاورھال ءِ تہ مولانا ملیشیا فورسءَ گوں ناشرکاری ءِ پجار جوڈ بوتگ ءُُ ملک ءُُ راج ءِ تشخص ءُُ شرپ ءَ را پرچہ ھراب کنگ لوٹگ انت۔
