بھارتی فوج ءِ لائن آف کنٹرول ءِ سرا تیرکاریءِ آسرءَ پاک فوج ءِ لانس نائیک زاہد ءُُ 5شہری شہید ،پاک فوج ءِ کارروائی چہ 9 بھارتی فوجی بیران،لہتیں ٹپی

راولپنڈی ۔ 20 اکتوبر (اے پی پی)پاک فوج ءِ لس سیادیانی تک (آئی ایس پی آر) ءِ ڈی جی میجر جنرل آصف غفورءَ گوشت کہ پاک فوج ایل او سی ءِ سرا معصو میں شہریانی رکھگ برجاہ دارایت ءُُ ایل او سی ءِ ھلاپ ورزی ءِ سرا بھارتی فوج ءَ را باز تاوان دات ۔ بھارتی فوج ءَ جورا، شاہ کوٹ ءُُ نوسیری ءِ تہ بلا اشتعال تیرکاری ءِ سرا پاک فوج ءِ دیم پروشیں پسو ءِ پدا وتی مرتگیں ءُُ ٹپیگ ءِ فوجی ءَ را زورگ ءِ ھاترا سپیدءِ بیرک برز کتگ، بھارت ءَ را معصو میں شہریاں را نشانگ جوڈ کنگ ءِ وھد ءَ فوجی اقدارءِ ھیال ایر کنگ بوھگ الم ات ۔ یک شمبے ءَ آئی ایس پی آر ءِ نیمگا چہ جاڑی بیان ءِ ردا بھارتی فوج ءِ لائن آف کنٹرول (ایل او سی) ءِ سرا تیرکاری ءِ آسرءَ پاک فوج ءِ ورناہ لانس نائیک زاہد ءُُ 5 شہری شہید بوتگ انت وھدیکہ دوسپاہیانی ھوار 5شہری ٹپی بوتگ ات ۔ ایشاں را ڈسٹرکٹ نادراہ جاء ءَ دیم دیءگ بوتگ ۔ پاک فوج ءَ بھارتی تیرکاری ءِ پسودیان ءَ 9بھارتی فوجی کشتگ انت ءُُ لہتیں ٹپی بوتگ ات ۔