اسلام آباد ۔ 18 اکتوبر (اے پی پی) مزن وزیر ءِ مشیر تجارت عبدالرزاق داءود ءَ گوں کینیڈین ہائی کمشنر وینڈی گلمور ءَ آدینگ ءِ روچ ءَ گند ءُُ نند کت ۔ گند ءُُ نند ءَ دو نیمگی تجارت ءُُ سرمایہ کاری کار آنی ھوالگ ءَ ھیال ریچی کنگ بوت ۔ اے موہ ءِ سر ءَ سیکرٹری تجارت سردار احمد نواز سکھیرا ءُُ وزارت تجارت ءِ ٹوھیں کارندہ اے موہ ءِ سر ءَ ساڑی اتنت ۔ مزن وزیر ءِ مشیر عبدالرزاق داءود ءَ گوشت کہ پاکستان ءَ سرمایہ کاری ءِ جوانیں موہ است انت، استیں حکومت ءَ کاروبار ءِ تہ ءَ آسانی پیداک کنگ ءَ باز کار کتگ ایشی ءَ چہ کینیڈا ءِ سرمایہ کار سیت چست بکن اَنت، استیں حکومت ءَ سرمایہ کار آناں جوانیں آسراتی پجارین ایت ۔ گند ءُُ نند ءَ کشت ءُُ کشار، جان سلامتی، انفرانسٹرکچر، وانگ ءُُ زانگ، جوانیں ھاٹیگ ءُُ آئی ٹی ءِ شوبگ ءَ سرمایہ کاری ءِ ھوالگ ءَ گپ ءُُ تران کنگ بوت ۔
