لاڑکانہءَ پروش وارگ پہ پیپلز پارٹی ءِ چمانی پچ کنگءَ بس اِنت، چیردستیں گچین کاری پہ نوکیں گچین کاری ءِ لوٹءِ کنوکاں عبرت اِنت، مزن وزیر ءِ ھاسیں کمک کار ڈاکٹر فردوس عاشق اعوان ءِ ٹویٹ

اسلام آباد ۔ 18اکتوبر(اے پی پی) مزن وزیر ءِ حاسیں کمک کار ڈاکٹر فردوس عاشق اعوانءَ گشتگ کہ لاڑکانہ ءِ چیردستیں گچین کاری ءِ نتیجگ اے گپءِ سبوت اَنت لاڑکانہ بھٹو ءِ نہ اِنت، لاڑکانہ ءَ پروش وارگ پہ آیانی چمانی پچ کنگءَ بس اِنت، اے چیردستیں گچین کاری پہ نوکیں گچین کاری ءِ لوٹوکاں عبرت اِنت ۔ جمعہ ءِ روچءَ وتی یک ٹویٹءَ ڈاکٹر فردوس عاشق اعوانءَ گشتگ کہ پیپلز پارٹی ءِ بُنجاہ لاڑکانہ ءَ مٹی اَتکگ، پاکستان تحریک انصاف ءِ جی ڈی اے ءِ اُمیت وار معظم عباسی ءِ سوبمندی پہ دروگیں اکاءونٹس پارٹی ءِ حلاپءَ اُلسءِ بغاوتءِ جار اِنت ۔ آئیءَ گشتگ کہ بلاول ءَ را آئیءِ لوگءِ اُلسءَ نامن اِتگ، اُمیت اِنت کہ آ وتی جندءِ سروکیءَ ء ُ سروزیرءِ سرپانکی ءَ بوتگیں اے گچین کاریءَ دروگ نہ گشیت ۔