اسلام آباد ۔ 18 اکتوبر (اے پی پی) مزن وزیر ءِ مشیر برائے تجارت عبدالرزاق داءود ءَ گوشت کہ ملکی برآمدی ءُُ سرمایہ کاری چیز آنی گیش کنگ ءِ ضلوت انت، ملکی تجارت ءُُ سرمایہ کاری ءَ را گیش ودینگ ءَ ٹریڈ آفیسرز ءِ یک ارزشتی ایں کرد ءِ بیت انت، استیں حکومت برآمدی چیز آنی تہ ءَ گیشی ءُُ تجارتی چست ءُُ ایر آنی دیمروئی ءِ واستہ جزمیگ انت ۔ اے ھیالانی درشانی آنی ءَ آدینگ ءِ روچ ءَ پاکستان انسٹی ٹیوٹ آف ٹریڈ اینڈ ڈویلپمنٹ ءَ برجم داشتگیں مراگش ءَ گشتانک دیان ءَ کت ۔ آئی ءَ گوشت کہ استیں وھد ءَ اے پڑ ءَ جوانی ءَ گوں کار بوھگ ءَ انت، جتا جتائیں شوبگ آنی دیمروئی ءَ چہ ملکی برآمد ی ءُُ سرمایہ کاری چیز آناں گیش ودینگ ءِ ضلورت انت ۔ آئی ءَ گوشت کہ ای کامرس پالیشی ءِ کابینہ ءَ منظوری داتگ، ای کامرس پالیشی ءِ جنگ ءَ چہ برآمدی چیز آنی تہ ءَ گیشی بیت ۔ آئی ءَ گوشت کہ ٹیکسٹائل ءَ ابید انجنئیرنگ، کیمیکل ءُُ انفارمیشن ٹیکنالوجی ءِ وڑیں شوبگ آنی تہ ءَ ڈن ءَ چہ آرگی چیز آناں دیمروئی دیگ انت ۔
