اسلام آباد ۔ 18 اکتوبر (اے پی پی)صدر مملکت ڈاکٹر عارف حسین علوی (باندا) یک شمبے ءِ روچ ءَ چہ جاپان ءِ پنچ روچی سرکاری تر ءُُ تاب ءَ کنت ۔ صدر ءِ مملک جاپان ءِ شہنشاہ نرو ہیٹو ءِ شاہی مراگش ءَ بھر زوری کنت، مراگش ءَ 100ءَ چہ گیش ملک آنی سروک شریک بنت ۔ صدر ءِ مملکت ءَ را تر ءُُ تاب ءِ دعوت جاپان ءِ حکومت ءَ داتگ ۔ آدینگ ءِ روچ ءَ جاڑی بوتگیں بیان ءِ تہ ءَ گوشگ بوت کہ صدر ءِ مملکت 20اکتوبر ءَ چہ 24اکتوبر ءَ تاں جاپان ءِ پنچ روچی سرکاری تر ءُُ تاب ءَ کنت ۔ صدر ءِ مملکت شہنشاہ جاپان نرو ہیٹو ءِ شاہی مراگش ءَ شریک بیت ۔ پاکستان ءُُ جاپان ءِ نیام ءَ نزیکیں دوست ءُُ برات اَنت ۔ مئے وت مہ وتی کمکی یکوئی گیش ترندی ءَ گوں دیمروئی کنگ ءَ انت ءُُ دوئیں ملک آنی نیام ءَ اقتصادی ، تجارتی، سرمایہ کاری، آئی ٹی، کشت ءُُ کشار، بنی آدمی آسراتی، دیمروئی ءُُ سیل ءُُ سواد ءِ شوبگ آنی تہ ءَ گیش گیشی ءِ گنجاشک است انت ۔ صدر ءِ مملکت ءِ جاپان ءِ تر ءُُ تاب ءَ چہ دوئیں ملک آنی نیام ءَ دو نیمگی یکوئی آناں گیش دیمروئی رسیت ۔
