نجی بشخ اٹی تین پہ تینی رابطہ کاری و ہڑتوم آ کنڈآتا واپار ءِ پین مون آ دننگ آ امنا
اسلام آباد ۔ 17اکتوبر (اے پی پی)قائم مقام چیئرمین سینیٹ سینیٹر سلیم مانڈوی والا پارینے کہ پاکستان و پرتگال واپاری کہول آ ہڑتوم آ کنڈآتا تعلقداری تے مون آ دننگ کن پین گام گیج کیر تانکہ ہڑتوم آ ملک آتے ٹی واپاری و اقتصادی سرجزآتے ٹی پین ترندی اتنگ مرے ۔ پرتگال نا سفیر پاولونیوس پونیہو تون پارلیمنٹ ہاءوس اٹی اوڑدہی کرے اوپارے کہ نجی بشخ اٹی رابطہ کاری ءِ پین مون آ درسا ہڑتوم آ کنڈآتا واپار ءِ ودفنگ مریک ۔ اوپارے کہ ہڑتوم آ ملک آتے ٹی واپاری کچ بے کچ شیفکو کہول آٹے و گرج داہیت انا ءِ کہ ہڑتوم آ ملک آتا بزنس کمیونٹی ءِ اسہ ایلو نا پین خڑک اتنگ کن گام گیج کننگے ۔ قائم مقام چیئرمین سینیٹ سینیٹر سلیم مانڈوی والا پارے کہ پاکستان پرتگال تون تینا تین پہ تینی کمکاری و ہڑتوم آ کنڈآتا تعلقداری تے بے کچ قدر انا نظر اٹ ہرک و ننا است خواہی ءِ کہ دا تعلقداری تے پارلیمانی ، واپاری و اقتصادی کہول آ پین ودفنگے ۔ اوپارے کہ پرتگال اسہ اہم ءُ ملک اسے و ہڑتوم آ ملک آتا نیام اٹ جہانی کہول آ گچین کمکاری نا گنجائشت ارے ۔ قائم مقام چیئرمین سینیٹ پرتگال نا حکومت ، پارلیمان و الس کن نیک است خواہی تا درشانی ءِ کرے و ہڑتوم آ کنڈآتا تعلقداری تے مون آ دننگ کن تینا پبی کمکاری نا باوری کرفے ۔
