اسلام آباد ۔ 17اکتوبر (اے پی پی) پاک فضائیہ نا سروک ایئر چیف مارشل مجاہد انور خان نائیجریا نا دورہ ٹی نائیجیرین نا وزیر دفاع و فضائیہ چیف اتون جتا جتا اوڑدہی کرے ہراٹی تین پہ تینی کمکاری و کسبی معاملہ غاتیا گپ و تران کننگا ۔ ترجمان پاک فضائیہ نا رداٹ پاک فضائیہ نا سروک ایئر چیف مارشل مجاہد انور خان نائیجریا ہیڈکوارٹر آ سرمس تو نائیجریا فضائیہ نا سروک ایئر مارشل ایس بی ابوبکر ایئر چیف ءِ بخیر کرے ۔ نائیجرین ایئر فورس انا چاق و چوبند دستہ پاک فضائیہ نا سروک ءِ گارڈ آف آنر پیش کرے ۔ پاک فضائیہ نا سروک تینا نائیجرین ہم منصب تون اوڑدہی کرے ۔ ایئر چیف نائیجیریا نا وزیردفاع میجر جنرل (ریٹائرڈ) بشیر صالحی مگاشی تون ہم اوڑدہی کرے ۔

متعلقہ مضامینمصنف کی طرف سے مزید