سرسہب ورناپروگرام ورناتا روزگار و ایلو ویل آتا ایسر کننگ اٹ مزل نا نشان مریک
اسلام آباد ۔ 17اکتوبر (اے پی پی) وزیراعظم نا خصوصی کمکار حوالکاری و شین کاری ڈاکٹر فردوس عاشق اعوان پارینے کہ ننا ورناک قوم انا روشنا آخبت و ملک ءِ عظیم تر کننگ نا اومیت آک ءُ، اوفتا معاشی آسودہی، شونداری و زند اٹی مون آ ہِننگ نا وارخواہی ودی کننگ کن سرسہب ورنا پروگرام نا اینو بناءِ کننگ انگ ءِ ، ورناک استحصالی نظام نا برخلاف عمران خان نا ہر اول دستہ مرسا مون آ بریر و قریہ قریہ نگر نگر بدلی نا کلہوءِ سرکریر ۔ پنچ شنبے نادے آ تینا ٹویٹ اٹی ڈاکٹر فردوس عاشق اعوان پارے کہ سرسہب ورناپروگرام ورناتا روزگار و ایلو ویل آتا ایسر کننگ اٹ مزل نا نشان مریک ، ورناتے بے سود و آسان شڑت آ وام تننگک، دامسخت کن 100 ارب روپئی نا بھلو زراس جتا کننگانے، زالبول آتے معاشی وڑاٹ وتواجہ کننگ کن 25درسد کوٹہ ہم اوار ءِ ۔ اوپارے کہ زالبول آتے طاقتور و واکدار کرسا شون ہلوک قوم تا مقابلہ ٹی اتنگ وزیراعظم عمران خان نا وژن ءِ ۔
